ബസില് യാത്ര ചെയ്യുന്നതിനിടെ സഹയാത്രക്കാരിയുടെ മാല മോഷ്ടിച്ച സംഭവത്തില് പഞ്ചായത്ത് പ്രസിഡന്റ് അറസ്റ്റില്. ഡിഎംകെ നേതാവും നര്യാംപട്ട് പഞ്ചായത്ത് പ്രസിഡന്റുമായ ഭാരതിയാണ്(56) അറസ്റ്റിലായത്. നേര്കുണ്ട്രം സ്വദേശിയായ വരലക്ഷ്മിയുടെ(50) പരാതിയിലാണ് ഭാരതിയെ കോയമ്പേട് പൊലീസ് അറസ്റ്റ് ചെയ്തത്.
ജൂലൈ മൂന്നിന് കാഞ്ചീപുരത്ത് നടന്ന വിവാഹ റിസപ്ഷനില് പങ്കെടുത്ത് മടങ്ങി വരികയായിരുന്നു വരലക്ഷ്മി. തമിഴ്നാട് സര്ക്കാരിന്റെ ബസിലായിരുന്നു യാത്ര. ബസ് യാത്ര കഴിഞ്ഞ് വീട്ടിലെത്തിയപ്പോഴാണ് ബാഗിലെ നാലുപവന്റെ മാല കാണാനില്ലെന്ന് വരലക്ഷ്മി തിരിച്ചറിഞ്ഞത്. തുടര്ന്ന് കോയമ്പേട് സ്റ്റേഷനിലെത്തി പരാതി നല്കുകയായിരുന്നു. പൊലീസ് നടത്തിയ അന്വേഷണത്തില് ബസിലെ സിസിടിവി ദൃശ്യങ്ങള് വീണ്ടെടുക്കുകയും ഇതില് നിന്നും വരലക്ഷ്മിയുടെ സമീപത്തിരുന്ന സ്ത്രീയാണ് മാല മോഷ്ടിച്ചതെന്ന് കണ്ടെത്തുകയുമായിരുന്നു. ചോദ്യം ചെയ്യലില് ഭാരതി കുറ്റം ഏറ്റു പറഞ്ഞു. തിരുപ്പട്ടൂര്, വെല്ലൂര്, ആംബുര്, വൃദ്ധംപട്ട് സ്റ്റേഷനുകളിലായി ഭാരതിക്കെതിരെ വിവിധ കേസുകള് നിലവിലുണ്ട്. ഇവരെ കോടതി പൊലീസ് കസ്റ്റഡിയില് വിട്ടു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.