പരിപ്പുവട തിന്നുവാനുണ്ടുപൂതി കൂട്ടിനു
കട്ടന് ചായ ചേര്ന്നെന്നാലതിരുചിരം
പരിപ്പിനോടല്പം ഇഞ്ചിയും ഉള്ളിയും ചേര്ത്തു
മൊരിച്ചെന്നാല് സ്വാദിഷ്ടവിഭവം
സാഹിത്യ വേദിയിലും ചര്ച്ചാവേളയിലും
ചൂടു പകരുന്നോനിവന് പരിപ്പുവട
ചൂടനെന്നാകിലും അകത്തുചെന്നെന്നാല്
ഒരേമ്പക്കവുമിട്ട് സായൂജ്യവുമടഞ്ഞിടാം
സായാഹ്നവേളയിലും സവാരിയിലും
സമ്പുഷ്ടിയേകിടും ഈ വിഭവം
ഏകാന്തചിന്തയിലമരുന്നേരത്തും
ഏകനായ് തീരുന്നവേളയിലും
ആശ്വാസം പകരുര്ന്നിടും ഈ ചേരുവ
ഉന്മേഷദായകം ഉത്തേജകം
ഉല്ലാസവേളയില് ഉദ്ബലകം
പണ്ടത്തെ ഓലടാക്കീസിനുള്ളില്
പ്രേംനസീര് മെഗ സിനിമവേളയിലും
ഇടവേള നേരം ലഭിച്ചിരുന്ന
സമീകൃതാഹാരവും ഈ പരിപ്പുവട താന്
ഒന്നുരണ്ടെണ്ണമകത്തുചെന്നാല്
രാഷ്ട്രീയ ചര്ച്ചകള് പൊടിപൊടിക്കും
രാഷ്ട്രമീമാംസകള് പിറവികൊള്ളും
രാജ്യാന്തര ചര്ച്ചാവേളകളില് പോലും
പരിപ്പുവടക്കുണ്ടല്ലോ പ്രസക്തിയേറെ
പരിപ്പുവടയില് നിന്നതേ പിറവികൊള്വൂ
നൂതനാശയങ്ങള് സൗഹൃദങ്ങള്!
താമസരെ ഇതു രാജസന്മാരാക്കും
രാജസന്മാരോ സാത്വിക ഭാവം പൂകും
പരിപ്പുവടയിലുണ്ടൊരു രാസത്വരത മനസ്സിനെ
ഉഴുതെടുത്തീടുമത് ഉര്വ്വരതമായ്
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.