രണ്ടുദിവസത്തെ സന്ദര്ശനത്തിനായി പ്രധാനമന്ത്രി നരേന്ദ്ര മോഡി അര്ജന്റീനയിലെത്തി. ഇരുരാജ്യങ്ങളും തമ്മിലുള്ള ഉഭയകക്ഷി സഹകരണം ശക്തിപ്പെടുത്തുന്നതിന്റെ ഭാഗമായി അര്ജന്റീന പ്രസിഡന്റുമായി അദ്ദേഹം കൂടിക്കാഴ്ച നടത്തും. മോഡിയുടെ അഞ്ച് രാഷ്ട്ര സന്ദര്ശനത്തിലെ മൂന്നാമത്തെ സന്ദര്ശനമാണിത്. പ്രതിരോധം, കൃഷി, ഖനനം, എണ്ണ, വാതകം, പുനരുപയോഗ ഊര്ജ്ജം, വ്യാപാരം, നിക്ഷേപം എന്നിവയുള്പ്പെടെയുള്ള പ്രധാന മേഖലകളില് ഇന്ത്യ‑അര്ജന്റീന പങ്കാളിത്തം കൂടുതല് ശക്തിപ്പെടുത്തുന്നതിനായി പ്രസിഡന്റ് ഹാവിയര് മിലേയുമായി മോഡി വിപുലമായ ചര്ച്ചകള് നടത്തുമെന്ന് വിദേശകാര്യ മന്ത്രാലയം അറിയിച്ചു.
പ്രധാനമന്ത്രിയുടെ ഉഭയകക്ഷി സന്ദര്ശനം ഇന്ത്യയും അര്ജന്റീനയും തമ്മിലുള്ള ബഹുമുഖ തന്ത്രപരമായ പങ്കാളിത്തത്തെ കൂടുതല് ആഴത്തിലാക്കുമെന്നും മന്ത്രാലയം പ്രസ്താവനയില് വ്യക്തമാക്കി. ട്രിനിഡാഡ് ആന്റ് ടൊബാഗോയിലെ രണ്ട് ദിവസത്തെ സന്ദര്ശനം പൂര്ത്തിയാക്കിയ ശേഷമാണ് മോഡി അര്ജന്റീനയിലെത്തിയത്. സന്ദര്ശനത്തിന്റെ നാലാം പാദത്തില്, 17-ാമത് ബ്രിക്സ് ഉച്ചകോടിയില് പങ്കെടുക്കാന് മോഡി ബ്രസീലിലേക്ക് പോകും. അതിന് പിന്നാലെ നമീബിയയും സന്ദര്ശിക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.