സ്ഥിതിസമത്വത്തി-
ലഭിരമിച്ചു ഞാൻ
അനന്തലോകത്തി-
ലമർന്നിരിക്കുമ്പോൾ
മുഴുത്തുപട്ടികൾ
കൊഴുത്തനാവുമായ്
അണച്ചണച്ചെന്റെ-
യരികിലെത്തുന്നു.
ഒളിഞ്ഞുനിൽക്കുന്നു
വളഞ്ഞുചുറ്റുന്നു
ഇടയ്ക്കിടയ്ക്കെന്നെ
വലിഞ്ഞുനക്കുന്നു
വലത്തുനിന്നുകൊണ്ടി-
ടത്തുനിന്നുകൊണ്ട-
ടുത്തുനിന്നുകൊണ്ട-
കന്നുനിന്നുകൊണ്ടി-
രവിലൊക്കെയും
പകലിലൊക്കെയും
പകപ്പുകൂട്ടുന്നു!
ചരിഞ്ഞമോന്തയൊ-
ന്നുയർത്തിനിന്നുകൊ-
ണ്ടൊരുപട്ടിയതാ
ഓരികൂട്ടുന്നു!
തെരുവുപട്ടികൾ
തകർത്തു കൂവുന്നു
ഭയക്കടലിൽഞാൻ
നടുങ്ങിമുങ്ങുന്നു
ഒഴിഞ്ഞുമാറുമ്പോൾ
കുതിച്ചുവന്നുകൊണ്ടി-
തെന്തുകഷ്ടമേ-
യിതെന്തുശല്യമേ
കനത്തസൗകര്യ-
ത്തികവിലുള്ളവർ-
ക്കറിയുമോവഴി-
നടത്തപ്പേടികൾ
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.