പ്രവീണ് റാണയുടെ അറസ്റ്റ് രേഖപ്പെടുത്തി.തൃശ്ശൂര് ഈസ്റ്റ് പൊലീസ് ആണ് അറസ്റ്റ് രേഖപ്പെടുത്തിയത്. ചീറ്റിംങ്ങ് ആക്ടുകള് ചുമത്തിയാണ് അറസ്റ്റ് രേഖപ്പെടുത്തിയത്.സേഫ് ആന്റ് സ്ട്രോങ് നിക്ഷേപ തട്ടിപ്പ് കേസില് ഒളിവില് കഴിഞ്ഞിരുന്ന പ്രവീണ് റാണയാണ് കഴിഞ്ഞ ദിവസം അറസ്റ്റിലായത്. കോയമ്പത്തൂരില് നിന്നായിരുന്നു റാണയെ പിടികൂടിയത്.
തൃശ്ശൂര് ജില്ലയിലെ വിവിധ പൊലീസ് സ്റ്റേഷനുകളില് രജിസ്റ്റര് ചെയ്ത കേസുകളെ തുടര്ന്ന് ഈ മാസം 6 ന് റാണ ഒളിവില് പോകുകയായിരുന്നു.സേഫ് ആന്ഡ് സ്ട്രോങ് നിധി’ എന്ന പണമിടപാട് സ്ഥാപനം വഴി പ്രവീണ് റാണ നാല് വര്ഷത്തിനിടയില് 100 കോടി രൂപ തട്ടിയെടുത്തുവെന്നാണ് കേസ്. 18 കേസുകളാണ് പ്രവീണ് റാണക്കെതിരെ ഇതുവരെ രജിസ്റ്റര് ചെയ്തിരിക്കുന്നത്.
പീച്ചി സ്വദേശിനിയായ ഹണി തോമസിന്റെ പരാതിയിലാണ് റാണക്കെതിരെ ആദ്യം പൊലീസ് കേസെടുത്തത്.തുടര്ന്ന് ഇയാള്ക്കെതിരെ 11 കേസുകള് തൃശ്ശൂര് ഈസ്റ്റ് സ്റ്റേഷനിലും 5 എണ്ണം വെസ്റ്റ് സ്റ്റേഷനിലും ഒരെണ്ണം കുന്നംകുളം സ്റ്റേഷനിലുമാണ് രജിസ്റ്റര് ചെയ്തിരിക്കുന്നത്. ഒരുലക്ഷം രൂപ മുതല് 20 ലക്ഷം രൂപവരെ നഷ്ടപ്പെട്ടവരായിരുന്നു റാണെക്കെതിരെ പരാതി നല്കിയത്. 48 ശതമാനംവരെ പലിശയും ഫ്രാഞ്ചൈസി ചേര്ക്കാമെന്ന വാഗ്ദാനവും നല്കിയാണ് സ്ഥാപനം നിക്ഷേപങ്ങള് സ്വീകരിച്ചത്.
English Summary:
Praveen Rana’s arrest recorded
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.