നടനും സംവിധായകനും നിര്മ്മാതാവുമായ മനോജ് കുമാര് (87) അന്തരിച്ചു. ഹൃദയസംബന്ധമായ അസുഖത്തെ തുടർന്ന് മുംബൈയിലെ സ്വകാര്യ ആശുപത്രിയിലായിരുന്നു അന്ത്യം. ഏറെക്കാലമായി അസുഖ ബാധിതനായിരുന്നു. സംവിധായകന് അശോക് പണ്ഡിറ്റ് ആണ് മരണ വാര്ത്ത സ്ഥിരീകരിച്ചത്. ദേശസ്നേഹം പ്രമേയമായ ചിത്രങ്ങളിലൂടെയാണ് മനോജ് കുമാര് പ്രശസ്തി നേടിയത്. ഈ സിനിമകള് ഭാരത് കുമാര് എന്ന പേരും അദ്ദേഹത്തിന് നേടിക്കൊടുത്തു.
ഉപ്കാര്, ഷഹീദ്, പുരബ് ഔര് പശ്ചിമ്, ക്രാന്തി, റോട്ടി കപട ഔര് മകാന്, ഷോര്, ഗുംനാം, രാജ് കപൂര് സംവിധാനം ചെയ്ത് നായകവേഷത്തിലെത്തിയ മേരാ നാം ജോക്കര് എന്നിവ അദ്ദേഹത്തിന്റെ പ്രശസ്ത ചിത്രങ്ങളാണ്. 1995 ൽ പത്മശ്രീയും 2015 ല് ദാദാസാഹിബ് ഫാൽക്കെ അവാർഡും അദ്ദേഹത്തിന് ലഭിച്ചു. 1937‑ല് പാകിസ്ഥാനിലെ അബോട്ടാബാദിലാണ് ജനനം. യഥാര്ഥ പേര് ഹരികൃഷ്ണന് ഗോസാമി എന്നായിരുന്നു. ഇന്ത്യ‑പാക് വിഭജനത്തിന് ശേഷം കുടുംബസമേതം ഡല്ഹിയിലേക്ക് കുടിയേറി. ഡല്ഹിയിലെ ഹിന്ദു കോളജില്നിന്ന് ബിരുദം നേടി. നടന് ദിലീപ് കുമാറിന്റെ കടുത്ത ആരാധകനായിരുന്നതിനാലാണ് മനോജ് കുമാര് എന്ന പേര് സ്വീകരിച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.