ബുദ്ധി മാന്ദ്യം ഉള്ളതും ഒരു കണ്ണിന് കാഴ്ച്ച ശക്തി ഇല്ലാത്തതുമായ 13 വയസ്സുകാരിയെ ലൈംഗികമായി പീഡിപ്പിച്ച ഇതര സംസ്ഥാന തൊഴിലാളിക്ക് പോക്സോ നിയമപ്രകാരം കഠിനതടവും പിഴയും. പശ്ചിമ ബംഗാൾ സംസ്ഥാനത്ത് മാൾഡ ജില്ലയിൽ ചാർബാബുപൂർ രാമശങ്കർ ടോലയിൽ ശംഭുമണ്ഡലിനെയാണ് (28) കാട്ടാക്കട അതിവേഗ പോക്സോ കോടതി ജഡ്ജി എസ്.രമേഷ്കുമാർ 13 വർഷവും 6 മാസം കഠിന തടവിനും 30,000 രൂപ പിഴയൊടുക്കുന്നതിനും ശിക്ഷിച്ചത്. പിഴയൊടുക്കിയില്ലെങ്കിൽ 12 മാസം അധിക കഠിന തടവ് കൂടി അനുഭവിക്കണമെന്നും പിഴ തുക അപര്യാപ്തമായതിനാൽ കുട്ടിക്ക് അർഹമായ നഷ്ടപരിഹാരം നൽകാൻ ജില്ലാ ലീഗൽ സർവീസ് അതോറിറ്റിക്ക് കോടതി നിർദ്ദേശം നൽകി 2023ലാണ് കേസിനാസ്പദമായ സംഭവം വിസ്താരവേളയിൽ കോടതി ദിഭാഷിയുടെ സേവനം ഉപയോഗപ്പെടുത്തിയിരുന്നു. പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യൂട്ട് അഡ്വ: ഡി.ആർ പ്രമോദ് കോടതിയിൽ ഹാജരായി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.