കാര്യവട്ടം കാമ്പസിലെ റാഗിംങ്ങില് ഏഴ് വിദ്യാര്ത്ഥികളെ സസ്പെന്റ് ചെയ്തു. വിദ്യാര്ത്ഥികളായ വേലു, പ്രിന്സ്, അനന്തന്, പാര്ത്ഥന്, അലന്, ശ്രാവണ്, സല്മാന് എന്നിവരെയാണ് സസ്പെന്റ് ചെയ്തത്.തിരുവനന്തപുരം കാര്യവട്ടം സര്ക്കാര് കോളജില് റാഗിംങ് നടന്നതായി കണ്ടെത്തിയിരുന്നു. ബയോടെക്നോളജി ഒന്നാം വര്ഷ വിദ്യാര്ത്ഥി ബിന്സ് ജോസാണ് പ്രിന്സിപ്പലിനും കഴക്കൂട്ടം പൊലീസിലും പരാതി നല്കിയിരുന്നത്.തുടര്ന്ന് അന്വേഷണം നടത്തിയ ആന്റി ‑റാഗിംങ് കമ്മിറ്റിയാണ് റാഗിങ്ങ് നടന്നതായി സ്ഥിരീകരിച്ചത്.
മൂന്നാം വര്ഷ ബിരുദ വിദ്യാര്ത്ഥികളായ ഏഴോളം പേര്ക്കെതിരെയായിരുന്നു പരാതി. സിസിടിവി ദൃശ്യങ്ങളും സാക്ഷിമൊഴികളും പരിശോധിച്ചാണ് റാഗിങ്ങ് നടന്നതായി കണ്ടെത്തിയത്.ബിന്സിനെ പിടിച്ചു കൊണ്ടുപോയി സംഘം ചേര്ന്ന് മര്ദ്ദിച്ചതായിട്ടാണ് പരാതി. ഷര്ട്ട് വലിച്ചു കീറി മുട്ടുകാലില് നിറുത്തി മുതുകിലും ചെകിട്ടത്തും അടിച്ചൂവെന്നാണ് പരാതി. തുടര്ന്നാണ് ബിന്സ് കഴക്കൂട്ടം പോലീസിലും പ്രിന്സിപ്പലിനും പരാതി നല്കിയത്.കമ്മിറ്റിയുടെ കണ്ടെത്തലില് പ്രിന്സിപ്പല് കഴക്കൂട്ടം പോലീസിന് റിപ്പോര്ട്ട് നല്കിയിരുന്നു. പ്രിന്സിപ്പലിന്റെ റിപ്പോര്ട്ടിന്റെ അടിസ്ഥാനത്തില് റാഗിംങ്ങിന് കേസെടുക്കുമെന്ന് കഴക്കൂട്ടം പൊലീസ് നേരത്തെ അറിയിച്ചിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.