കോഴിക്കോട് നടക്കാവ് ഹോളിക്രോസ് കോളജിൽ ഒന്നാം വർഷ ബിരുദ വിദ്യാർത്ഥിയെ റാഗിങ് ചെയ്ത 6 സീനിയർ വിദ്യാർത്ഥികളെ സസ്പെൻഡ് ചെയ്തു. കോളജിലെ ഒന്നാം വർഷ വിദ്യാർത്ഥിയായ ഒളവണ്ണ വളപ്പിൽ താനിക്കുന്നത്ത് വി.ടി. വിഷ്ണുവിനെയാണ് ആറ് സീനിയർ വിദ്യാർത്ഥികൾ ചേർന്ന് മർദ്ദിച്ചത്.
ഫെബ്രുവരി 14നായിരുന്നു സംഭവം. സൺ ഗ്ലാസ് ധരിച്ച് കോളജിലെത്തിയെന്ന് ആരോപിച്ച് മൂന്നാം വർഷ വിദ്യാർത്ഥികളായ ആറ് പേർ ചേർന്ന് ഫുട്ബോൾ കോർട്ടിൽ വച്ച് വിഷണുവിനെ മർദിക്കുകയായിരുന്നു. വിഷ്ണുവിൻറെ പരാതിയിൽ മുഹമ്മദ്ദ് സിനാൻ, ഗൌതം, കണ്ടാലറിയാവുന്ന മറ്റ് 4 പേർ എന്നിവർക്കെതിരെ പൊലീസ് കേസെടുത്തിട്ടുണ്ട്.
മർദ്ദനത്തിൽ വിഷ്ണുവിൻറെ കാലിനും തലയ്ക്ക് പിന്നിലും പരിക്കേറ്റിട്ടുണ്ടെന്നും പരാതിയിൽ പറയുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.