ഡല്ഹി ചെങ്കോട്ടയ്ക്ക് സമീപമുണ്ടായ സ്ഫോടനത്തിന് ഉത്തരവാദികളായവരെ വെറുതെ വിടില്ലെന്ന് പ്രതിരോധമന്ത്രി രാജ്നാഥ്സിങ്. കാരണക്കാരയവര് കഠിനമായ ശിക്ഷ നേരിടേണ്ടി വരുമെന്നും അദ്ദേഹം പറഞ്ഞു.മനോഹര് പരീഖര് ഇന്സ്റ്റിറ്റ്യൂട്ട് ഫോര് ഡിഫന്സ് സ്റ്റഡീസ് ആന്റ് അനാലിസിസ് സംഘടിപ്പിച്ച ഡല്ഹി ഡിഫന്സ് ഡയലോഗില് പങ്കെടുത്തു സംസാരിക്കുകയായിരുന്നു രാജ്നാഥ് സിങ് .സംഭവം സര്ക്കാര് അതീവ ഗൗരവത്തോടെയാണ് കാണുന്നതെന്നും അദ്ദേഹം പറഞ്ഞു. ദുരന്തത്തിന് ഉത്തരവാദികളായവരെ നിയമത്തിന് മുന്നില് കൊണ്ടുവരും.
ഒരു സാഹചര്യത്തിലും അവരെ വെറുതെ വിടില്ലെന്ന് രാജ്യത്തിന് ഉറപ്പ് നല്കുന്നു. രാജ്യത്തെ മുന്നിര അന്വേഷണ ഏജന്സികള് സംഭവത്തെക്കുറിച്ച് വേഗത്തിലും സമഗ്രമവുമായ അന്വേഷണം നടത്തുന്നുണ്ടെന്ന് ഈ അവസരത്തില് ഞാന് ഉറപ്പ് നല്കുന്നു അദ്ദേഹം പറഞ്ഞു. അതേസമയം, സ്ഫോടനത്തിന് പിന്നില് പാകിസ്ഥാന് ഭീകരസംഘടന ജയ്ഷെ മുഹമ്മദും എജിയുഎച്ച് മെന്നാണ് സൂചന.
പൊട്ടിത്തെറിച്ച കാര് ഓടിച്ചത് ജെയ്ഷെ ഭീകരന് ഡോക്ടര് ഉമര് മുഹമ്മദെന്നാണ് വിവരം. കഴിഞ്ഞ ദിവസം ഫരീദാബാദില് സ്ഫോടകവസ്തുക്കളുമായി പിടിയിലായ ഡോക്ടേഴ്സുമായി ഉമര് മുഹമ്മദിന് ബന്ധമുണ്ടെന്ന് കണ്ടെത്തി. ഉമര് മുഹമ്മദിന്റെ സഹോദരനെയും കുടുംബാംഗങ്ങളെയും കസ്റ്റഡിയിലെടുത്തു. പൊട്ടിത്തെറിച്ച കാറിന്റെ ഉടമ താരിഖിനെയും ചോദ്യം ചെയ്യുകയാണ്. ഇന്നലെ വൈകീട്ട് ഉണ്ടായ സ്ഫോടനത്തില് ഒമ്പത് പേര്ക്കാണ് ജീവന് നഷ്ടമായത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.