പുതിയ അക്കൗണ്ട് ഉടമകളെ ചേര്ക്കുന്നതില് നിന്ന് പ്രമുഖ സ്വകാര്യ ബാങ്കായ കൊട്ടക് മഹീന്ദ്രയെ തടഞ്ഞ് റിസര്വ് ബാങ്ക്. ഓണ്ലൈന്, മൊബൈല് ബാങ്കിങ് എന്നി ചാനലുകള് വഴി പുതിയ ഉപഭോക്താക്കളെ ചേര്ക്കുന്നതില് നിന്നാണ് ബാങ്കിനെ ആര്ബിഐ വിലക്കിയത്. ബാങ്ക് പുതിയ ക്രെഡിറ്റ് കാര്ഡുകള് അനുവദിക്കരുതെന്നും ആര്ബിഐയുടെ പ്രസ്താവനയില് പറയുന്നു.
1949ലെ ബാങ്കിങ് റെഗുലേഷന് ആക്ടിലെ സെക്ഷന് 35എ പ്രകാരമാണ് ആര്ബിഐ നടപടി സ്വീകരിച്ചിരിക്കുന്നത്. അതേസമയം നിലവിലുള്ള ഉപഭോക്താക്കള്ക്ക് കൊട്ടക് മഹീന്ദ്ര ബാങ്ക് നല്കി വരുന്ന സേവനം തുടരാം. നിലവിലെ ക്രെഡിറ്റ് കാര്ഡ് ഉടമകള്ക്കും തുടര്ന്നും ബാങ്കിങ് സേവനം നല്കണമെന്നും പ്രസ്താവനയില് പറയുന്നു.
റിസര്വ് ബാങ്കിന്റെ പരിശോധനകളില് ക്രമക്കേടുകള് കണ്ടെത്തിയതിനെ തുടര്ന്നാണ് നടപടി. ഐടി ഇന്വെന്ററി മാനേജ്മെന്റ്, യൂസര് ആക്സസ് മാനേജ്മെന്റ്, ഡാറ്റ സെക്യൂരിറ്റി തുടങ്ങിയ മേഖലകളില് പോരായ്മകള് ശ്രദ്ധയില്പ്പെട്ടിരുന്നു. 2022, 2023 വര്ഷങ്ങളില് ആര്ബിഐയുടെ ഭാഗത്തുനിന്ന് തിരുത്തല് നിര്ദേശം നല്കിയിട്ടും ബാങ്കിന്റെ ഭാഗത്തുനിന്ന് ലഭിച്ച മറുപടികള് അപര്യാപ്തമായിരുന്നെന്നും ആര്ബിഐ പറയുന്നു.
English Summary: RBI action against Kotak Mahindra
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.