കർണാടകയിൽ ബൈക്ക് ടാക്സികൾക്ക് പ്രവർത്തനാനുമതി നൽകിക്കൊണ്ട് ഹൈക്കോടതിയുടെ നിർണ്ണായക ഉത്തരവ് പുറത്തുവന്നു. ബൈക്ക് ടാക്സി അഗ്രഗേറ്റർമാരും ഉടമകളും സമർപ്പിച്ച അപ്പീലുകൾ പരിഗണിച്ചുകൊണ്ട് ജനുവരി 23നാണ് ചീഫ് ജസ്റ്റിസ് വിഭു ബക്രു, ജസ്റ്റിസ് സി എം ജോഷി എന്നിവരടങ്ങിയ ഡിവിഷൻ ബെഞ്ച് ഈ വിധി പ്രസ്താവിച്ചത്. മോട്ടോർ സൈക്കിളുകൾ ട്രാൻസ്പോർട്ട് വാഹനങ്ങളായി രജിസ്റ്റർ ചെയ്യാനും അവയ്ക്ക് കോൺട്രാക്ട് കാര്യേജ് പെർമിറ്റുകൾ നൽകാനും കോടതി സംസ്ഥാന സർക്കാരിനോട് നിർദ്ദേശിച്ചു. മോട്ടോർ സൈക്കിളുകൾ ഗതാഗത വാഹനങ്ങളായോ കരാർ വാഹനങ്ങളായോ പ്രവർത്തിപ്പിക്കാൻ കഴിയില്ലെന്ന കാരണത്താൽ രജിസ്ട്രേഷനോ പെർമിറ്റോ നിഷേധിക്കാൻ അധികാരികൾക്ക് കഴിയില്ലെന്ന് കോടതി വ്യക്തമാക്കി. നിയമമനുസരിച്ച് പെർമിറ്റുകളിൽ ആവശ്യമായ നിബന്ധനകൾ ഉൾപ്പെടുത്താൻ റീജിയണൽ ട്രാൻസ്പോർട്ട് അതോറിറ്റിക്ക് അധികാരമുണ്ടാകും. ഗവൺമെന്റ് പ്രത്യേക മാർഗ്ഗനിർദ്ദേശങ്ങൾ പുറപ്പെടുവിക്കുന്നത് വരെ ബൈക്ക് ടാക്സികൾക്ക് പ്രവർത്തിക്കാൻ കഴിയില്ലെന്ന മുൻപത്തെ സിംഗിൾ ബെഞ്ച് ഉത്തരവിനെതിരെ ഊബർ, റാപ്പിഡോ, ഒല തുടങ്ങിയ കമ്പനികൾ നൽകിയ അപ്പീലിലാണ് ഈ പുതിയ വിധി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.