ലാൻഡ് റവന്യു സർവേ ദുരന്ത നിവാരണ വകുപ്പുകളിൽ മികച്ച സേവനം കാഴ്ചവയ്ക്കുന്നവർക്കുള്ള 2021 ലെ റവന്യു പുരസ്‌കാരങ്ങൾ പ്രഖ്യാപിച്ചു. റവന്യു ദിനമായ ഫെബ്രുവരി 24ന് മുഖ്യമന്ത്രി പിണറായി വിജയൻ പുരസ്‌കാരങ്ങൾ സമ്മാനിക്കും. വർഷങ്ങളായി മുടങ്ങിക്കിടന്ന റവന്യൂ ദിനാചരണം ഈ വർഷം മുതൽ പുനരാരംഭിക്കുകയാണെന്നും പുരസ്‌കാരങ്ങൾ പ്രഖ്യാപിച്ചു റവന്യു മന്ത്രി കെ രാജൻ പറഞ്ഞു. ലാന്റ് റവന്യു വകുപ്പിൽ നിന്നും ഓരോ ജില്ലയിലേയും മികച്ച മൂന്ന് വില്ലേജ് ഓഫീസർമാർക്കും സംസ്ഥാനത്തെ മികച്ച മൂന്ന് തഹസിൽദാർമാർക്കും മികച്ച മൂന്ന് എൽ ആർ തഹസിൽദാർമാർക്കും, മികച്ച മൂന്ന് ആർഡിഒ സബ് കളക്ടർമാർക്കും മികച്ച മൂന്ന് ഡെപ്യൂട്ടി കളക്ടർമാർക്കും മികച്ച മൂന്ന് ജില്ലാ കളക്ടർമർക്കും അവാർഡുകൾ സമ്മാനിക്കും. ഓരോ ജില്ലയിലേയും മികച്ച പ്രവർത്തനം കാഴ്ചവെക്കുന്ന ഓരോ വില്ലേജ് ഓഫീസിനും സംസ്ഥാന തലത്തിൽ മികച്ച പ്രവർത്തനം കാഴ്ച്ച വെക്കുന്ന ഓരോ താലൂക്കോഫീസിനും റവന്യു ഡിവിഷണൽ ഓഫീസിനും ജില്ലാ കളക്ടർക്കും സർവേ സൂപ്രണ്ടിനും അവാർഡ് സമ്മാനിക്കും. കൂടാതെ ഹെഡ് സർവേയർ, ഹെഡ് ഡ്രാഫ്റ്റ്‌സ്മാൻ, സർവേയർ, ഡ്രാഫ്റ്റ്‌സ്മാൻ എന്നിവരിൽ സംസ്ഥാനത്ത് മികച്ച പ്രകടനം കാഴ്ച വച്ച മൂന്ന് പേർക്ക് വീതവും അവാർഡ് നൽകും. ദുരന്തനിവാരണ വകുപ്പിൽ നിന്നും ജില്ലയിലെ ഏറ്റവും മികച്ച ഹസാർഡ് അനലിസ്റ്റ്, സ്റ്റേറ്റ് എമർജൻസി ഓപ്പറേഷൻ സെന്ററിലെ ഹസാർഡ് അനലിസ്റ്റ്, സെക്ടറൽ സ്‌പെഷ്യലിസ്റ്റ്, ഡിസാസ്റ്റർ മാനേജ്‌മെന്റ് പ്ലാൻ കോ-ഓർഡിനേറ്റർ എന്നിവർക്കും അവാർഡുകൾ വിതരണം ചെയ്യും. 24ന് വൈകിട്ട് ആറിന് അയ്യങ്കാളി ഹാളിലാണ് ചടങ്ങ്. അവാര്‍ഡ് വിതരണവും റവന്യു ദിനാഘോഷവും മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. റവന്യു മന്ത്രി കെ രാജന്‍ അധ്യക്ഷത വഹിക്കും.
വിവിധ പുരസ്‌കാര ജേതാക്കൾ :
മികച്ച ജില്ലാ കളക്ടര്‍മാരായി മൃൺമയി ജോഷി (പാലക്കാട്) ഡോ.നവജ്യോത് ഖോസ (തിരുവനന്തപുരം) അലക്‌സാണ്ടർ (ആലപ്പുഴ) എന്നിവരെ തെരഞ്ഞെടുത്തു.
മികച്ച വില്ലേജ് ഓഫീസർമാർ (ജില്ല, പേര്, വില്ലേജ് എന്ന ക്രമത്തിൽ) : തിരുവനന്തപുരം: ഷറഫുദ്ദീൻ എ — പള്ളിപ്പുറം, ജയശ്രീ വി കെ — നഗരൂർ, ബിജോയ് ഡി — വീരൺകാവ്. കൊല്ലം: ജി എസ് ശ്രീകുമാർ — കൊല്ലം ഈസ്റ്റ്, ഗീതാകുമാരി ആർ — തൃക്കടവൂർ, രതീഷ് ടി — കോട്ടുക്കൽ. പത്തനംതിട്ട: ബിജുമോൻ പി — കടപ്ര, പ്രതാപൻ എ — ഇരവിപേരൂർ, രശ്മി ജി — മല്ലപ്പള്ളി. ആലപ്പുഴ: ലയ എസ് — കൈനകരി സൗത്ത്, അനുപമ ഇ ആർ — തണ്ണീർമുക്കം തെക്ക്, മനോജ്കുമാർ ബി — കാവാലം. കോട്ടയം: പി ടി ദിനേശൻ — കാണക്കാരി, ജയകുമാർ ആർ- മുട്ടമ്പലം, വി എം സുബേർ- കാഞ്ഞിരപ്പിള്ളി. ഇടുക്കി: ജെയ്‌സൺ ജോർജ്ജ് — കട്ടപ്പന, ഗോപകുമാർ കെ — കുടയാത്തൂർ, മായ കെ തങ്കപ്പൻ — എലപ്പള്ളി എറണാകുളം: നസീറ ടി എ — കോതമംഗലം, അമ്പിളി എസ് — നടമ, ജോർജ്ജ് സി വാളൂരാൻ — വാളകം. തൃശൂർ: അനിത കുമാരി എ എൻ — വടക്കാഞ്ചേരി-പാർളിക്കാട്, ജോബി കെ കെ — കല്ലൂർ‑തെക്കുമുറി, ബിന്ദു കെ — മുള്ളൂർക്കര-ആറ്റൂർ. പാലക്കാട്: ബിന്ദു കൃഷ്ണൻ സി — കടമ്പഴിപുറം 1, ജയചന്ദ്രൻ ആർ — കണ്ണമ്പ്ര 1, കൃഷ്ണകുമാരി എസ് — കിഴക്കഞ്ചേരി 2. മലപ്പുറം: റെജി ടി ജോർജ്ജ് — പുഴക്കാട്ടിരി, ഷിബു എൻ വി — കരുലായ്. കോഴിക്കോട്: ജയൻ ഇ കെ — പന്തളായാനി, സുരേഷൻ മാവിലാരി — ചേമഞ്ചേരി, അബ്ദുൾ ഖഫൂർ കെ പി — രാരോത്ത്. വയനാട്: ലൈല സി വി — പൊരുന്നന്നൂർ, സന്തോഷ് പി വി — എടവക, ഷിബു ജോർജ്ജ് — പാടിച്ചിറ. കണ്ണൂർ: സുനിൽകുമാർ പി — കണ്ണൂർ‑1, ഷൈജു ബി — കോളാരി, സന്ദീപ് എ കെ — പിണറായി. കാസർകോട്: മുഹമ്മദ് ഹാരിസ് പി എ — കുഡ്‌ലു, ആനന്ദ് എം സെബാസ്റ്റ്യൻ — കാസർഗോഡ്, ബിജു കെ വി — നീലേശ്വരം.
മികച്ച തഹസിൽദാർ (പേര്, താലൂക്ക്, ജില്ല എന്ന ക്രമത്തിൽ): രഞ്ജിത്ത് ജോർജ്ജ് — കണയന്നൂർ — എറണാകുളം വിനോദ് രാജ് — കുന്നത്തുനാട് — എറണാകുളം ഉഷ ആർ — ചേർത്തല — ആലപ്പുഴ. മികച്ച തഹസിൽദാർ (എൽ ആർ): അഗസ്റ്റിൻ എം ജെ — മാനന്തവാടി — വയനാട് മനോഹരൻ പി ഡി — ചങ്ങനാശ്ശേരി — കോട്ടയം ശോഭ സതീഷ് — നെയ്യാറ്റിൻകര — തിരുവനന്തപുരം മികച്ച തഹസിൽദാർ (ആർ ആർ, എൽ എ): രാജമ്മ എം എസ് — സ്‌പെഷൽ തഹസിൽദാർ (റവന്യു റിക്കവറി) പാലക്കാട് — പാലക്കാട് പ്രേംലാൽ എം പി — സ്‌പെഷൽ തഹസിൽദാർ (എൽഎ), ജനറൽ, തിരുവനന്തപുരം — തിരുവനന്തപുരം സജീവ് കുമാർ പി എ — സ്‌പെഷൽ തഹസിൽദാർ (എൽ എ) എൻ എച്ച്-2, ആലപ്പുഴ — ആലപ്പുഴ
മികച്ച സബ്ബ് കളക്ടർ / ആർഡിഒ (പേര്, സബ് ഡിവിഷൻ, ജില്ല എന്നിവ ക്രമത്തിൽ): അനു കുമാരി എസ് (സബ് കളക്ടർ — തലശ്ശേരി, കണ്ണൂർ) മാധവിക്കുട്ടി എം എസ് (സബ്ബ് കളക്ടർ, തിരുവനന്തപുരം) ബിജു സി ആർഡിഒ — വടകര, കോഴിക്കോട്
മികച്ച ഡെപ്യൂട്ടി കളക്ടർ (പേര്, തസ്തിക, ജില്ല): ജേക്കബ് സഞ്ജയ് ജോൺ — ഡെപ്യൂട്ടി കളക്ടർ (എൽഎ) — തിരുവനന്തപുരം മുഹമ്മദ് സഫീർ ഇ — എഡിഎം & ഡെപ്യൂട്ടി കളക്ടർ (ജനറൽ) — തിരുവനന്തപുരം സന്തോഷ് കുമാർ എസ് — ഡെപ്യൂട്ടി കളക്ടർ (എൽ ആർ) — ആലപ്പുഴ.
മികച്ച വില്ലേജ് ഓഫീസ്
വിളപ്പിൽ — തിരുവനന്തപുരം മൈനാഗപ്പള്ളി — കൊല്ലം വള്ളിക്കോട് ‑പത്തനംതിട്ട പട്ടണക്കാട് — ആലപ്പുഴ കാണക്കാരി — കോട്ടയം പാറത്തോട് — ഇടുക്കി വാരപ്പെട്ടി — എറണാകുളം കിഴക്കേ ചാലക്കുടി — തൃശൂർ പാലക്കാട് 2 ‑പാലക്കാട് കൊണ്ടോട്ടി — മലപ്പുറം രാരോത്ത് — കോഴിക്കോട് പൊരുന്നന്നൂർ — വയനാട് കണ്ണൂർ — 1 — കണ്ണൂർ ചെറുവത്തൂർ — കാസർഗോഡ് മികച്ച താലൂക്ക് ഓഫീസ് കണയന്നൂർ , എറണാകുളം ജില്ല.
മികച്ച ആർഡിഒ ഓഫീസ്: തിരുവനന്തപുരം, തിരുവനന്തപുരം ജില്ല. മികച്ച ജില്ല കളക്ട്രേറ്റ് — തിരുവനന്തപുരം.
സംസ്ഥാനത്തെ ഏറ്റവും മികച്ച സര്‍വെയര്‍മാര്‍
1. ശ്രീജിത്ത് കുമാര്‍ കെ.കെ, റീസര്‍വ്വെ സൂപ്രണ്ട് ഓഫീസ്, അടൂര്‍, പത്തനംതിട്ട
2. ഡേവിസ് ആന്റണി, റീസര്‍വ്വെ സൂപ്രണ്ട് ഓഫീസ്, തൃശൂര്‍
3. ശ്രീമതി നിര്‍മ്മല കുമാരി എ, റീസര്‍വ്വെ സൂപ്രണ്ട് ഓഫീസ്, പുനലൂര്‍, കൊല്ലം
മികച്ച ഡ്രാഫ്റ്റ്സ്മാന്‍മാര്‍
1. ശ്രീമതി പ്രിയ എന്‍, സര്‍വ്വെ ഡയറക്ട്രേറ്റ്, തിരുവനന്തപുരം
2. ശ്രീമതി രജനി ഗോപിനാഥ് മേനോന്‍, അസിസ്റ്റന്റ് ഡയറക്ടര്‍ ഓഫീസ്, സര്‍വെ റേഞ്ച്, തൃശൂര്‍
3. ശ്രീമതി സബിത എസ്, അസിസ്റ്റന്റ് ഡയറക്ടര്‍ ഓഫീസ്, റീസര്‍വെ, പാലക്കാട്
English summary; revenue awards announced
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.