മുസ്ലിങ്ങള്ക്കിടയിലെ ബഹുഭാര്യത്വത്തിന്റെയും നിക്കാഹ് ഹലാലയുടെയും ഭരണഘടനാ സാധുത ചോദ്യം ചെയ്യുന്ന ഹര്ജികള് പരിഗണിക്കാന് ഉചിതമായ ഘട്ടത്തില് പുതിയ അഞ്ചംഗ ഭരണഘടനാ ബെഞ്ച് രൂപീകരിക്കുമെന്ന് സുപ്രീം കോടതി അറിയിച്ചു. ഹര്ജി നല്കിയ അഭിഭാഷകന് അശ്വിനി ഉപാധ്യായ ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് മുമ്പാകെ വിഷയം പരാമര്ശിച്ചതിനെ തുടര്ന്നാണ് പ്രതികരണം.
ജസ്റ്റിസുമാരായ ഇന്ദിരാ ബാനര്ജി, ഹേമന്ത് ഗുപ്ത, സൂര്യകാന്ത്, എം എം സുന്ദരേശ്, സുധാന്ഷു ധൂലിയ എന്നിവരടങ്ങിയ ബെഞ്ചാണ് ഇതുസംബന്ധിച്ച ഹര്ജികളില് ഓഗസ്റ്റ് 30ന് നോട്ടീസ് നല്കിയിരുന്നത്. ദേശീയ മനുഷ്യാവകാശ, വനിത, ന്യൂനപക്ഷ കമ്മിഷനുകള് എന്നിവയെ വിഷയത്തില് കക്ഷി ചേര്ക്കുകയും പ്രതികരണം തേടുകയും ചെയ്തു. ഭരണഘടനാ ബെഞ്ചില് ജഡ്ജിമാരായിരുന്ന ജസ്റ്റിസ് ബാനര്ജിയും ജസ്റ്റിസ് ഗുപ്തയും വിരമിച്ചതിനാലാണ് ബഹുഭാര്യത്വത്തെയും നിക്കാഹ് ഹലാലയെയും ചോദ്യം ചെയ്യുന്ന ഹര്ജികള് കേള്ക്കാന് പുതിയ ബെഞ്ച് രൂപീകരിക്കുന്നത്. 2017 ഓഗസ്റ്റില് ഭരണഘടനാ വിരുദ്ധമാണെന്ന് ചൂണ്ടിക്കാട്ടി മുത്തലാഖ് സുപ്രീം കോടതി റദ്ദാക്കിയിരുന്നു.
English Summary: SC to set up fresh bench to hear pleas against polygamy, nikah halala
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.