മൃദംഗ വിദ്വാൻ പയ്യന്നൂർ രാജന് സംസ്ഥാന സ്കൂൾ കലോത്സവം സമ്മാനിച്ചത് ഇരട്ടി മധുരം. മൃദംഗത്തിൽ മത്സരിച്ച മകന് പിന്നാലെ ശിഷ്യനും എ ഗ്രേഡ് നേടിയതോടെ മനസ് നിറഞ്ഞാണ് ഗുരു പയ്യന്നൂർ രാജൻ തിരികെ വണ്ടി കയറിയത്. ഹയർ സെക്കൻഡറി വിഭാഗം മൃദംഗ മത്സരത്തിൽ മകൻ ജിഷ്ണുരാജാണ് എ ഗ്രേഡ് നേടി മികച്ച പ്രകടനം കാഴ്ചവെച്ചത്. പയ്യന്നൂർ ഷേണായിസ് സ്മാരക ഗവ. ഹയർ സെക്കൻഡറി സ്കൂളിലെ പ്ലസ് ടു വിദ്യാർത്ഥിയാണ് ജിഷ്ണു.
ഹൈസ്കൂൾ വിഭാഗത്തിലെ മൃദംഗ മത്സരത്തിൽ മിന്നും പ്രകടനം നടത്തിയാണ് രാജൻ മാഷിന്റെ ശിഷ്യൻ സഞ്ജയ് സുരേഷ് എ ഗ്രേഡ് നേടിയത്. മകൻ ജിഷ്ണു ഗണ്ഡചാപ് താളത്തിൽ മൃദംഗം വായിച്ചപ്പോൾ ശിഷ്യൻ സഞ്ജയ് ആദിതാളത്തിലാണ് മത്സരിച്ചത്. മാഹിയിലെ മലയാള ഗ്രാമത്തിൽ മൃദംഗ അധ്യാപകനാണ് രാജൻ മാഷ്. വർഷങ്ങൾക്ക് മുമ്പുള്ള കലോത്സവത്തിൽ മകൾ രസിക പ്രിയയുമായെത്തി എ ഗ്രേഡ് നേടാനും മാഷിന് സാധിച്ചിരുന്നു. ജയശ്രീ പി പി ആണ് ഭാര്യ.
English Summary;school kalolsavam 2023
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.