അമ്പൂരി രാഖി കൊലക്കേസില് ശിക്ഷാ വിധി ഇന്ന്. കേസില് മൂന്ന് പ്രതികളും കുറ്റക്കാരാണെന്ന് കോടതി കണ്ടെത്തിയിരുന്നു. അമ്പൂരി തട്ടാംമുക്ക് സ്വദേശി അഖില്, ജ്യേഷ്ഠ സഹോദരന് രാഹുല്, ഇവരുടെ സുഹൃത്ത് ആദര്ശ് എന്നിവരാണ് കേസിലെ പ്രതികള്. പ്രതികള്ക്കെതിരേ കൊലപാതകം, തെളിവ് നശിപ്പിക്കല് തുടങ്ങിയ കുറ്റങ്ങള് തെളിഞ്ഞു.2019 ജൂണ് 21‑ന് ഒന്നാം പ്രതി അമ്പൂരി തട്ടാംമുക്ക് അശ്വതി ഭവനില് സൈനികനായ അഖിലിന്റെ നിര്മാണത്തിലിരുന്ന വീടിന് മുന്നില്വെച്ചാണ് രാഖിയെ കഴുത്തില് കയര്മുറുക്കി കൊലപ്പെടുത്തിയത്. തുടര്ന്ന് വീടിന്റെ പിറകില് കുഴിയെടുത്ത് മൃതദേഹം മറവുചെയ്തെന്നാണ് കേസ്. രാഖിയെ കാണാനില്ലെന്ന് അച്ഛന് രാജന് പൂവാര് പൊലീസിന് നല്കിയ പരാതിയാണ് കൊലപാതകത്തിന്റെ ചുരുളഴിയിച്ചത്.കൊല്ലപ്പെട്ട രാഖിയും ഒന്നാം പ്രതി അഖിലും പ്രണയത്തിലായിരുന്നു. അതിനിടെ അഖിലിന് വേറെ കല്യാണം ഉറപ്പിച്ചു. ഇതോടെ രാഖി, അഖിലുമായി കല്യാണനിശ്ചയം കഴിഞ്ഞ യുവതിയുടെ വീട്ടില്പോയി തങ്ങള് തമ്മിലുള്ള ബന്ധം അറിയിച്ചു. ഇതില് പ്രകോപിതനായാണ് അഖിലും സഹോദരന് രാഹുലും സുഹൃത്ത് ആദര്ശും ചേര്ന്ന് ഗൂഢാലോചന നടത്തി രാഖിയെ കൊലപ്പെടുത്തിയതെന്നായിരുന്നു പൊലീസിന്റെ കുറ്റപത്രം.
രാഖിയുടെ മൊബൈല് ഫോണ് കേന്ദ്രീകരിച്ച് പൊലീസ് നടത്തിയ അന്വേഷണത്തിലാണ് പ്രതികളെ കണ്ടെത്താനായത്. കൊലപാതകം നടന്ന് ഒരു മാസത്തിന് ശേഷമാണ് മൃതദേഹം കണ്ടെത്തിയത്.
english summary;Sentencing today in Amburi Rakhi murder case
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.