സിനിമയില് അവസരം വാഗ്ദാനം ചെയ്ത് ലൈംഗികമായി പീഡിപ്പിച്ചെന്ന യുവതിയുടെ ആരോപണത്തില് നടന് നിവിന് പോളി ഡിജിപിക്ക് പരാതി നല്കി. യുവതിയുടെ വ്യാജ ആരോപണമാണെന്നും സംഭവത്തിന് പിന്നില് ഗുഢാലോചനയുണ്ടെന്നും നിവിന് പരാതിയില് പറയുന്നത്. അവസരം വാഗ്ദാനം ചെയ്ത് വിദേശത്ത് വെച്ച് പീഡിപ്പിച്ചുവെന്നാണ് നേര്യമംഗലം ഊന്നുകല് സ്വദേശിയായ യുവതിയുടെ പരാതി. യുവതിയുടെ പരാതിയില് നിവിനെതിരെ കേസെടുത്തു. നിവിന് പോളി ഉള്പ്പെടെ ആറ് പേര്ക്കെതിരെയാണ് കേസ്.
അന്വേഷണത്തിന് പ്രത്യേക സംഘത്തെ ഇന്ന് നിയോഗിച്ചേക്കും. യുവതിയുടെ മൊഴി രേഖപ്പെടുത്തിയ ശേഷമാണ് പൊലീസ് കേസ് രജിസ്റ്റര് ചെയ്തത്. നവംബര് ഒന്ന് മുതല് ഡിസംബര് 15 വരെയുള്ള കാലയളവിലാണ് പീഡനം നടന്നതെന്നാണ് യുവതിയുടെ പരാതിയില് പറയുന്നത്. സിനിമയില് അവസരം വാഗ്ദാനം ചെയ്യുകയും യൂറോപ്പില് ജോലി വാഗ്ദാനം ചെയ്യുകയും ചെയ്തുവെന്നാണ് പറയുന്നത്. ശേഷം ദുബായിയില് കൊണ്ടുപോയി. ജ്യൂസില് മയക്കുമരുന്ന് ചേര്ത്ത് നല്കി പീഡിപ്പിക്കുകയായിരുന്നുവെന്നും പരാതിയില് പറയുന്നു. കേസില് മുന്കൂര് ജാമ്യം തേടി നിവിന് ഇന്ന് ഹൈക്കോടതിയെ സമീപിച്ചേക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.