കഴിഞ്ഞ ആഴ്ച നടന്ന രാജ്യസഭാ തെരഞ്ഞെടുപ്പില്‍ തന്റെ വോട്ട് അസാധുവാക്കിയ തെരഞ്ഞെടുപ്പ് കമ്മിഷന്റെ നടപടിക്കെതിരെ ശിവസേന എംഎല്‍എ ഹൈക്കോടതിയില്‍.
എംഎല്‍എ സുഹാസ് കാണ്ഡെയാണ് ബോംബെ ഹൈക്കോടതിയില്‍ ഹര്‍ജി നല്‍കിയത്. കമ്മിഷന്റെ നടപടി തന്റെ അന്തസിനും പ്രശസ്തിക്കും കളങ്കമുണ്ടാക്കിയെന്നും വോട്ട് അസാധുവാക്കിയ തീരുമാനം റദ്ദാക്കണമെന്നുമാണ് ഹര്‍ജിയില്‍ ആവശ്യപ്പെട്ടിരിക്കുന്നത്.
വോട്ടെടുപ്പ് പ്രക്രിയ ലംഘിച്ചുവെന്ന ബിജെപിയുടെ ആരോപണത്തെ തുടര്‍ന്നാണ് തെരഞ്ഞെടുപ്പ് കമ്മിഷന്‍ കാണ്ഡെയുടെ വോട്ട് അസാധുവാക്കിയത്. ഹര്‍ജിയില്‍ നാളെ വാദം കേള്‍ക്കും.
വോട്ട് ചെയ്തശേഷം മടക്കിയില്ലെന്ന കാരണത്തിന്റെ പേരിലായിരുന്നു എംഎല്‍എയുടെ വോട്ട് അസാധുവായി തെരഞ്ഞെടുപ്പ് കമ്മിഷന്‍ പ്രഖ്യാപിച്ചത്. മഹാരാഷ്ട്രയിലെ ആറ് സീറ്റുകളിലേക്കാണ് തെരഞ്ഞെടുപ്പ് നടന്നത്. ഇതില്‍ മൂന്നു സീറ്റുകളില്‍ ബിജെപി വിജയിച്ചു. ശിവസേന, സഖ്യകക്ഷിയായ കോണ്‍ഗ്രസ്, എന്‍സിപി പാര്‍ട്ടികള്‍ ഓരോ സീറ്റുകളും നേടി.
English summary; Shiv Sena MLA in High Court
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.