മധ്യപ്രദേശിലെ ബർവാനി ജില്ലയിൽ അപകട ഇൻഷുറൻസ് തുക ലഭിക്കുന്നതിനായി പിതാവിനെ കൊല്ലാന്‍ ക്വട്ടേഷന്‍ നല്‍കി മകന്‍. അജ്ഞാത വാഹനമിടിച്ച് 52 കാരനായ പിതാവ് മരിച്ചെന്ന് അവകാശപ്പെട്ട് നവംബർ 10 ന് പ്രതി സെൻധ്വ പോലീസ് സ്റ്റേഷനെ സമീപിച്ചപ്പോഴാണ് മരണം പുറത്തറിഞ്ഞതെന്ന് പൊലീസ് സൂപ്രണ്ട് (എസ്പി) ദീപക് കുമാർ ശുക്ല പറഞ്ഞു.
പിതാവ് ദിവസവും രാവിലെ നടക്കാന്‍ പോകുമെന്ന് അറിയാമായിരുന്ന മകന്‍, പിതാവിനെ കൊലപ്പെടുത്താന്‍ വാടക കൊലയാളികള്‍ക്ക് പണം നല്‍കിയിരുന്നതായും പൊലീസ് കണ്ടെത്തി. കൊലപാതകത്തിന് 2.5 ലക്ഷം രൂപയാണ് ഇയാള്‍ വാടക കൊലയാളികള്‍ക്ക് വാഗ്ദാനം ചെയ്തിരുന്നത്. പത്ത് ലക്ഷം രൂപയുടെ അപകട ഇന്‍ഷുറന്‍സാണ് പിതാവിന്റെ പേരിലുണ്ടായിരുന്നത്. ഇതില്‍ 2.5 ലക്ഷം രൂപ നല്‍കാമെന്ന് മകന്‍ പറഞ്ഞിരുന്നതായി സംഭവത്തില്‍ പിടിയിലായ ക്വട്ടേഷന്‍ സംഘത്തിലെ ഒരാളായ കരൺ ഷിൻഡെ പൊലീസിനോട് ചോദ്യം ചെയ്യലില്‍ വെളിപ്പെടുത്തി. രണ്ട് പ്രതികളെ കൂടി അറസ്റ്റ് ചെയ്തതായി അന്വേഷണ ഉദ്യോഗസ്ഥർ പറഞ്ഞു.
English Summary: Son gives money to goons to ki ll father for insurance money
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.