വയനാട്ടിലെ മരം മുറി വിഷയത്തിൽ അന്വേഷണം നടത്താൻ വനം വകുപ്പ് പ്രത്യേക സംഘത്തെ നിയോഗിച്ചു. കോട്ടയം വിജിലൻസ് മേധാവി ചെയർപേഴ്സണായും കോഴിക്കോട്, കണ്ണൂർ, എറണാകുളം ഫ്ലയിങ് സ്ക്വാഡ് ഡിഎഫ്ഒമാര് അംഗങ്ങളുമായ സംഘത്തെയാണ് നിയോഗിച്ചിരിക്കുന്നത്. വയനാട് സുഗന്ധഗിരി വനഭൂമിയില് മരങ്ങള് അനധികൃതമായി മുറിച്ചു കടത്തിയെന്നാണ് ആരോപണം.
വനം മന്ത്രി എ കെ ശശീന്ദ്രന്റെ അധ്യക്ഷതയിൽ ചേര്ന്ന യോഗത്തിലാണ് തീരുമാനം. വനം വകുപ്പ് ഓഫിസ് വളപ്പിൽ കഞ്ചാവ് വളർത്തിയ കേസിൽ കർശന തുടർനടപടികൾക്ക് യോഗം തീരുമാനമെടുത്തു. അന്താരാഷ്ട്ര തലത്തിലുള്ള വിദഗ്ധരുടെ സേവനം വന്യജീവി ആക്രമണം നേരിടുന്നതിന് ഉപയോഗിക്കും. ഇതിനായി വിദഗ്ധരുടെ പട്ടിക തയ്യാറാക്കി.
വനത്തിനകത്തെ 1434 കുളങ്ങളും 574 വയലുകളും പുനരുദ്ധാരണം നടത്തിയതായി യോഗം വിലയിരുത്തി.
പൊതുജന പങ്കാളിത്തത്തോടെ സിഎസ്ആര് ഫണ്ട്, വനവികസന ഏജൻസി ഫണ്ട് എന്നിവ ഉപയോഗിച്ചാണ് പ്രവൃത്തികൾ നടത്തിയത്.
English Summary: Special team to investigate logging in Wayanad
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.