കണ്ണൂരിൽ പേവിഷബാധയേറ്റ് ചികിത്സയിൽ കഴിയുകയായിരുന്ന അഞ്ച് വയസുകാരൻ മരിച്ചു. കുട്ടി കഴിഞ്ഞ 12 ദിവസങ്ങളായി പരിയാരം മെഡിക്കൽ കോളജിൽ ചികിത്സയിലായിരുന്നു. തമിഴ്നാട് സേലം സ്വദേശികളുടെ മകൻ ഹാരിത്ത് ആണ് മരിച്ചത്. കഴിഞ്ഞ മാസം 31നാണ് പയ്യാമ്പലത്തുള്ള കോട്ടേഴ്സിന് സമീപത്ത് വച്ച് കുട്ടിയ തെരുവ്നായ ആക്രമിച്ചത്. മുഖത്തും കയ്യിലും കാലിലുമാണ് കടിയേറ്റത്.
ഉടൻ തന്നെ കുട്ടിയെ ആശുപത്രിയിലെത്തിച്ച് വാക്സിൻ എടുത്തിരുന്നു. എന്നാൽ പിന്നീട് കുട്ടിക്ക് പനി, ഉമിനീര് ഇറക്കാൻ പ്രയാസം തുടങ്ങിയ അസ്വസ്ഥകൾ പ്രകടമായതോടെ കണ്ണൂർ ജില്ലാ ആശുപത്രിയിലും പിന്നീട് പരിയാരം മെഡിക്കൽ കോളജിലും പ്രവേശിപ്പിക്കുകയായിരുന്നു.
കഴിഞ്ഞ കുറച്ച് ആഴ്ചകളായി കണ്ണൂരിൽ തെരുവ്നായ ശല്യം രൂക്ഷമാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.