അസമിലെ ജോർഹട്ട് വ്യോമതാവളത്തിൽ നിന്ന് പറന്നുയർന്ന ഇന്ത്യൻ വ്യോമസേനയുടെ സുഖോയ്-30 MKI യുദ്ധവിമാനം തകർന്നു വീണു. കാർബി ആംഗ്ലോങ് മേഖലയിലാണ് വിമാനം തകർന്നതെന്ന് വ്യോമസേന സ്ഥിരീകരിച്ചു. പരിശീലന പറക്കലിനിടെ വ്യാഴാഴ്ച വൈകുന്നേരമാണ് വിമാനം റഡാറുകളിൽ നിന്ന് അപ്രത്യക്ഷമായത്. വിമാനത്തിലുണ്ടായിരുന്ന രണ്ട് പൈലറ്റുമാരുടെ അവസ്ഥയെക്കുറിച്ച് ഇതുവരെ വിവരങ്ങൾ ലഭ്യമല്ലെന്നും അവർക്കായി വിപുലമായ തിരച്ചിൽ ആരംഭിച്ചതായും അധികൃതർ അറിയിച്ചു.
ഭരോധന ഉദ്യോഗസ്ഥരുടെ കണക്കനുസരിച്ച്, വൈകുന്നേരം 7:42 ഓടെയാണ് വിമാനത്തിന് ഗ്രൗണ്ട് കൺട്രോളുമായുള്ള ബന്ധം അവസാനിച്ചത്. വിമാനം തകരുന്നതിന് മുൻപ് കാർബി ആംഗ്ലോങ് ജില്ലയിലെ നിിലിപ് ബ്ലോക്കിന് സമീപമുള്ള മലനിരകളിൽ വലിയ സ്ഫോടന ശബ്ദം കേട്ടതായി പ്രാദേശിക റിപ്പോർട്ടുകളുണ്ട്. ജോർഹട്ടിൽ നിന്ന് ഏകദേശം 60 കിലോമീറ്റർ അകലെയാണ് അപകടം നടന്ന സ്ഥലം. സംഭവസ്ഥലത്തെക്കുറിച്ചുള്ള ചില സ്ഥിരീകരിക്കാത്ത ചിത്രങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്.
ഇന്ത്യൻ വ്യോമസേനയുടെ പക്കൽ നിലവിൽ 260ലധികം സുഖോയ് 30 MKI വിമാനങ്ങളുണ്ട്. റഷ്യൻ സാങ്കേതികവിദ്യയിൽ ഇന്ത്യയിൽ നിർമ്മിക്കുന്ന ഈ അത്യാധുനിക യുദ്ധവിമാനങ്ങൾ രാജ്യത്തിന്റെ വ്യോമപ്രതിരോധത്തിൽ നിർണ്ണായക പങ്കുവഹിക്കുന്നവയാണ്. എന്നാൽ സമീപകാലത്തായി സുഖോയ് വിമാനങ്ങൾ അപകടത്തിൽപ്പെടുന്നത് ആശങ്കയുണ്ടാക്കുന്നുണ്ട്. 2024 ജൂണിൽ മഹാരാഷ്ട്രയിലെ നാസിക്കിലും 2023 ജനുവരിയിൽ ഗ്വാളിയോറിലും സമാനമായ രീതിയിൽ സുഖോയ് വിമാനങ്ങൾ തകർന്നു വീണിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.