കാസർകോട് ചുള്ളിയിൽ ഉരുൾ പൊട്ടല്‍

കാസര്‍കോട് ജില്ലയിലെ വെള്ളരിക്കുണ്ട് ബളാല്‍ പഞ്ചായതിലെ മാലോം ചുള്ളിയില്‍ ഉരുള്‍പൊട്ടല്‍. മലവെള്ള പാച്ചലില്‍ ചുള്ളി സി വി കോളനി റോഡ് പൂര്‍ണമായും ഒലിച്ചുപോയി.

ഈ പ്രദേശം ഒറ്റപ്പെട്ട അവസ്ഥയിലാണ്. കൂടാതെ മരുതോം–മാലോം മലയോര ഹൈവേയില്‍ ഗതാഗതം തടസ്സപ്പെട്ടു. പ്രദേശത്ത് ജാഗ്രതാനിര്‍ദേശം പുറപ്പെടുവിച്ചു. 2 വീടുകള്‍ക്ക് കേടുപാട് സംഭവിച്ചു. 19 കുടുംബങ്ങളെ മാറ്റിപ്പാര്‍പ്പിച്ചു. സ്ഥലത്ത് പഞ്ചായത്ത് പ്രസിഡന്റ് രാജു കട്ടക്കയം, വെള്ളരിക്കുണ്ട് തഹസില്‍ദര്‍ പി വി മുരളി, വെള്ളരിക്കുണ്ട് പൊലീസ്, നാട്ടുകാര്‍ എന്നിവരുടെ നേതൃത്വത്തിലാണ് രക്ഷാപ്രവര്‍ത്തനങ്ങള്‍ നടത്തി വരുന്നത്. ചുള്ളി പോപുലര്‍ ഫോറസ്റ്റില്‍ ഉരുള്‍ പൊട്ടി മലവെള്ളം റോഡിലേക്ക് കുത്തി ഒഴുകി. മലയോര ഹൈവേ ചുള്ളിയിലും ഗതാഗതം തടസപ്പെട്ടു.

Eng­lish sum­ma­ry; sus­pect­ed Land­slide in Kasaragod Chulli

You may also like this video;