പരാതിക്കാരിയായ യുവതിയെ തുടക്കത്തില് വിവാഹം ചെയ്യാന് ഉദ്ദേശിച്ചിരുന്നുവെന്നും ലൈംഗിക ബന്ധം പരസ്പര സമ്മതത്തോടെ ആയിരുന്നുവെന്നും വേടന് ഹൈക്കോടതിയിൽ വ്യക്തമാക്കി. പിന്നീട് തമ്മിലുള്ള ബന്ധം വഷളായെന്നും അതുകൊണ്ടു തന്നെ അവര്ക്കിടയില് നടന്ന ലൈംഗിക ബന്ധം ബലാത്സംഗമാകുമോ എന്നും വേടന്റെ അഭിഭാഷകൻ കോടതിയിൽ വാദിച്ചു. വേടന്റെ മുന്കൂര് ജാമ്യ ഹര്ജിയില് അന്തിമ വാദത്തിനിടെയാണ് അദ്ദേഹം കോടതിയില് ഇത്തരത്തിലൊരു വാദം ഉയര്ത്തിയത്. അതേസമയം വേടന് മുന്കൂര് ജാമ്യം അനുവദിക്കരുതെന്ന് പരാതിക്കാരി കോടതിയോട് ആവശ്യപ്പെട്ടു.
രണ്ടു വര്ഷത്തിനു ശേഷമാണ് യുവതി പരാതി നല്കിയതെന്നു വേടന് കോടതിയിൽ പറഞ്ഞു. ഇന്ഫ്ളുവന്സറായതു കൊണ്ട് വേടൻ അന്വേഷണത്തെ സ്വാധീനിക്കുമെന്ന് പരാതിക്കാരിയും ആശങ്ക അറിയിച്ചു. ഞാനൊരു കലാകാരന് മാത്രമാണ്. പരാതിക്കാരിയാണ് മാധ്യമങ്ങളിൽ നല്കുന്നതെന്നും വേടന്റെ അഭിഭാഷകനും വാദിച്ചു. വിഷാദത്തിലായതിനാലാണ് പരാതി നൽകാൻ വൈകിയത് എന്നായിരുന്നു വേടന്റെ വാദങ്ങളോടുള്ള അതിജീവിതയുടെ മറുപടി. ഇരുകൂട്ടരുടെയും വാദം പൂർത്തിയായതോടെ കേസിൽ വിധി പറയാൻ ബുധനാഴ്ചയിലേക്ക് മാറ്റുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.