ഐതിഹാസികമായ പുന്നപ്ര — വയലാര് സമരത്തിന്റെ ഓര്മ്മ പുതുക്കി 79-ാം വാര്ഷിക വാരാചരണത്തിന് ഇന്ന് കൊടിയുയരും. സിപിഐ, സിപിഐ (എം) സംയുക്തമായാണ് പരിപാടി സംഘടിപ്പിക്കുന്നത്. പതാകദിനമായ ഇന്ന് സി എച്ച് കണാരന് ദിനമായി ആചരിക്കും. വാരാചരണത്തിന്റെ ഭാഗമായി നൂറുകണക്കിന് കേന്ദ്രങ്ങളിലും ഇന്ന് ചെങ്കൊടികളുയരും. ധീരരക്തസാക്ഷികളും കമ്മ്യൂണിസ്റ്റ് നേതാക്കളും അന്ത്യവിശ്രമം കൊള്ളുന്ന ആലപ്പുഴ വലിയ ചുടുകാട്ടിൽ വിപ്ലവഗായിക പി കെ മേദിനിയും പുന്നപ്ര രക്തസാക്ഷി മണ്ഡപത്തിൽ വാരാചരണ കമ്മിറ്റി പ്രസിഡന്റ് ഇ കെ ജയനും സമരപോരാളികൾ വെടിയേറ്റ് മരിച്ച മാരാരിക്കുളത്ത് സിപിഐ (എം) ജില്ലാ സെക്രട്ടറി ആർ നാസറും ഇന്ന് വൈകിട്ട് അഞ്ചിന് പതാകയുയർത്തും. ധീര രക്തസാക്ഷികള് അന്ത്യവിശ്രമം കൊള്ളുന്ന വയലാറില് നാളെ രാവിലെ 11ന് സിപിഐ (എം) ജില്ലാ സെക്രട്ടറി ആര് നാസറും മേനാശേരിയില് വൈകിട്ട് ആറിന് മുതിര്ന്ന നേതാവ് എന് ജി രാജനും പതാക ഉയര്ത്തും. പുന്നപ്ര സമര ഭൂമിയില് ഉയര്ത്താനുള്ള പതാകയും കൊടിമരവും വൈകിട്ട് അഞ്ചിന് എത്തിച്ചേരും. വാരാചരണ കമ്മിറ്റി പ്രസിഡന്റ് ഇ കെ ജയൻ മണ്ഡപത്തിൽ പതാകയുയർത്തും. സമരഭൂമിയില് നടക്കുന്ന സി എച്ച് കണാരൻ അനുസ്മരണ സമ്മേളനത്തിൽ പി എച്ച് ബാബു അധ്യക്ഷത വഹിക്കും. എ പി ഗുരുലാല് സ്വാഗതം പറയും. സി ഷാംജി, ഇ കെ ജയന് എന്നിവർ അനുസ്മരണ പ്രഭാഷണം നടത്തും. പി ജി സൈറസ് നന്ദി പറയും. 6.30ന് ‘അട്ടിമറിക്കപ്പെടുന്ന ഇന്ത്യന് ജനാധിപത്യം’ എന്ന വിഷയത്തിലെ സെമിനാർ സിപിഐ സംസ്ഥാന എക്സിക്യൂട്ടീവ് അംഗം മുല്ലക്കര രത്നാകരന് ഉദ്ഘാടനം ചെയ്യും. എച്ച് സലാം എംഎല്എ അധ്യക്ഷനാകും. സി വാമദേവ്, എ ഓമനക്കുട്ടന്, എ ശോഭ, ആര് അശോക് കുമാര് എന്നിവര് സംസാരിക്കും. വലിയചുടുകാട്ടില് ഉയര്ത്താനുള്ള പതാക ഇന്ന് പകല് മൂന്നിന് രക്തസാക്ഷി കാട്ടൂർ ജോസഫിന്റെ വീട്ടിൽ നിന്നും അമ്പലപ്പുഴ താലൂക്ക് വാരാചരണ കമ്മിറ്റി സെക്രട്ടറി ആര് സുരേഷ് ഏറ്റുവാങ്ങും.
ബീച്ച് വാര്ഡ് ഇഎസ്ഐ ജംഗ്ഷന് തെക്കുവശം കൃഷ്ണന്റെയും ഗോപാലന്റെയും വസതിയില് നിന്നും മേഖലാ വാരാചരണ കമ്മിറ്റി പ്രസിഡന്റ് പി പി പവനൻ രക്തപതാക ഏറ്റുവാങ്ങും. ഇരുജാഥകളും വൈകിട്ട് അഞ്ചിന് വലിയചുടുകാട് രക്തസാക്ഷി മണ്ഡപത്തിലെത്തിച്ചേരും. വിപ്ലവ ഗായിക പി കെ മേദിനി പതാക ഉയര്ത്തും. ഇവിടെ ചേരുന്ന സി എച്ച് കണാരൻ അനുസ്മരണ സമ്മേളനത്തിൽ വി എസ് മണി അധ്യക്ഷനാകും. ആര് അനില്കുമാര് സ്വാഗതം പറയും. സി എസ് സുജാത, സത്യന് മൊകേരി, പി പി ചിത്തരഞ്ജന്, ടി ടി ജിസ്മോന് തുടങ്ങിയവര് സംസാരിക്കും. മാരാരിക്കുളത്ത് വൈകിട്ട് 6.30ന് ചേരുന്ന സി എച്ച് കണാരൻ അനുസ്മരണ സമ്മേളനം ആര് നാസര് ഉദ്ഘാടനം ചെയ്യും. വാരാചരണ കമ്മിറ്റി പ്രസിഡന്റ് കെ ബി ബിമൽറോയ് അധ്യക്ഷനാകും. ടി ജെ ആഞ്ചലോസ്, മന്ത്രി പി പ്രസാദ്, വി ജി മോഹനന്, എസ് സോളമന്, എസ് രാധാകൃഷ്ണന്, പി വി സത്യനേശന്, ജി കൃഷ്ണപ്രസാദ്, ദീപ്തി അജയകുമാര്, ആര് ജയസിംഹന്, സി കെ സുരേന്ദ്രന്, പ്രഭാ മധു, തുടങ്ങിയവർ സംസാരിക്കും. വാരാചരണ കമ്മിറ്റി സെക്രട്ടറി ബി സലിം സ്വാഗതം പറയും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.