പുറത്ത് നിന്നും നാം വാങ്ങി കഴിക്കുന്ന ഭക്ഷണങ്ങൾ നമ്മെ രോഗത്തിന്റെ തടവറയിലേക്കാണ് നയിക്കുന്നതെന്ന് സംസ്ഥാന കൃഷി വകുപ്പ് മന്ത്രി പി പ്രസാദ് പറഞ്ഞു. പ്രമാടം നേതാജി ഹയർ സെക്കണ്ടറി സ്‌കൂളിൽ ആരംഭിച്ച മധുരമം ഹരിതം പദ്ധതി ഉദഘാടനം ചെയ്ത് സംസാരിക്കുകയായിരുന്നു അദ്ദേഹം നാം കഴിക്കുന്ന ഭക്ഷണം ആണ് ജീവിതത്തിന്റെയും മരണത്തിന്റെയും തിരഞ്ഞെടുപ്പ് നടക്കുന്നത്.കൃഷി ചെയ്യാത്തവർ എല്ലാം കൃഷിയുടെ ആനുകൂല്യം പറ്റുന്നവർ ആണ്.വാങ്ങി കഴിക്കുമ്പോൾ ലാഭം മാത്രമാണ് നമ്മുടെ ലക്ഷ്യം.എന്നാൽ അത് കാലക്രമേണ നമ്മെ രോഗത്തിലേക്ക് തള്ളിവിടും. എന്നാൽ നാം അത് തിരിച്ചറിയുന്നില്ല. കർഷകർ എങ്ങനെ ആണ് പ്രവർത്തിക്കുന്നത് എന്ന് നാം മനസിലാക്കണം.

പമ്പയും അച്ചൻകോവിലാറും ഒഴുകുന്ന ജില്ലയിൽ ധാരാളം കരിമ്പ് വിളഞ്ഞിരുന്നു.നമ്മുടെ ജില്ലയിൽ എന്തുകൊണ്ട് ഇത് വീണ്ടും പ്രാവർത്തികമാക്കി കൂടാ എന്നതാണ് ഈ കുട്ടികൾ നമുക്ക് കാട്ടി തരുന്നത് എന്നും മന്ത്രി കൂട്ടിച്ചേർത്തു.അഡ്വ കെ യു ജനീഷ് കുമാർ എം എൽ എ അധ്യക്ഷത വഹിച്ചു.

കാർഷിക ക്ലബ്ബ് ഉത്‌ഘാടനം ബി രവീന്ദ്രൻപിള്ള നിർവഹിച്ചു.പ്രമാടം ഗ്രാമ പഞ്ചായത്ത് വൈസ് പ്രസിഡണ്ട് അമൃത സജയൻ,ഗ്രാമ പഞ്ചായത്ത് അംഗം ലിജ ശിവപ്രകാശ്,പി റ്റി എ പ്രസിഡണ്ട് ഫ. ജിജി തോമസ്,നേതാജി ഹയർ സെക്കണ്ടറി സ്‌കൂൾ പ്രിൻസിപ്പൽ ദിലീപ് ആർ,കോന്നി അഗ്രികൾച്ചറൽ അസിന്റന്റ് ഡയറക്ടർ ഷിജുകുമാർ,പ്രമാടം കൃഷി ഓഫീസർ ഇൻചാർജ്ജ് ഷിബിൻ ഷാജി,അസിസ്റ്റന്റ് അഗ്രികൾചറൽ ഓഫീസർ ഷിബിൻ ഷാജി,പ്രമാടം അസിസ്റ്റന്റ് അഗ്രികൾച്ചറൽ ഓഫീസർ സരസ്വതി എസ്,സി പി ഐ കൂടൽ മണ്ഡലം സെക്രട്ടറി സി കെ അശോകൻ,കൂടൽ മണ്ഡലം അസിസ്റ്റന്റ് സെക്രട്ടറി സന്തോഷ് കൊല്ലൻപടി ‚മണ്ഡലം സെക്രട്ടറിയേറ്റ് അംഗം ബി രാജേന്ദ്രൻ പിള്ള,ബാലൻ മാസ്റ്റർ,പ്രദീപ് തുടങ്ങിയവർ പങ്കെടുത്തു.രണ്ട് വർഷത്തേക്ക് പാട്ടത്തിന് എടുത്ത രണ്ടര ഏക്കർ കൃഷിയിടത്തിൽ ആണ് വിദ്യാർഥികൾ കൃഷി ചെയ്തിരിക്കുന്നത്.

English Summary: The foods we buy lead us to the prison of disease; Minister P Prasad