പെന്സില് വിഴുങ്ങിയ വേഴാമ്പലിന് രക്ഷകരായി വനംവകുപ്പ് എത്തി. വ്യാഴം ഉച്ചയോടെ കല്പ്പറ്റയിലാണ് സംഭവം. കല്പ്പറ്റ പൊഴുതന അച്ചൂര് ഗവ. ഹയര് സെക്കന്ഡറി സ്കൂളില് അവശനിലയില് കോഴി വേഴാമ്പലിന്റെ കുഞ്ഞിനെ കണ്ടെത്തിയതായി സ്കൂള് അധികൃതര് തന്നെയാണ് വനംവകുപ്പിനെ വിവരം അറിയിച്ചത്.
തുടര്ന്ന് കല്പ്പറ്റയില് നിന്ന് വനംവകുപ്പ് ആര്ആര്ടി സംഘം എത്തി വേഴാമ്പലിനെ വനംവകുപ്പ് ഓഫീസില് എത്തിക്കുകയായിരുന്നു. വായ തുറന്ന് പരിശോധിച്ചപ്പോഴാണ് തൊണ്ടയുടെ ഭാഗത്ത് പെന്സില് കണ്ടത്. തുടര്ന്ന് ജീവനക്കാര് ഇത് പുറത്തെടുത്തു. വേഴാമ്പലിന് മറ്റു പരിക്കുകളൊന്നുമില്ല. വേഴാമ്പലുകള് പലപ്പോഴും അപ്രതീക്ഷിത വസ്തുക്കള് ആഹാരമാക്കാറുണ്ട്. പ്രത്യേകിച്ച് എളുപ്പത്തില് വിഴുങ്ങാന് കഴിയുന്ന ചെറിയ വസ്തുക്കള് അവയുടെ ശ്രദ്ധയില്പ്പെട്ടാല് അത് അകത്താക്കാന് സാധ്യതയുണ്ടെന്നാണ് വനംവകുപ്പ് വിശദീകരണം നല്കി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.