യുഎസില്‍ ഒരേസമയം കോവിഡും വാനര വസൂരിയും ഒരാള്‍ക്ക് സ്ഥിരീകരിച്ചു. കാലിഫോര്‍ണിയ സ്വദേശിക്കാണ് രോഗം സ്ഥിരീകരിച്ചതെന്ന് റിപ്പോര്‍ട്ട്. ജൂണ്‍ അവസാനത്തോടെയാണ് ഇയാള്‍ക്ക് കോവിഡ് രോഗം സ്ഥിരീകരിച്ചത്. തുടര്‍ന്നുണ്ടായ രോഗലക്ഷണങ്ങളുടെ അടിസ്ഥാനത്തില്‍ നടത്തിയ പരിശോധനയില്‍ ഇയാള്‍ക്ക് വാനര വസൂരിയും സ്ഥിരീകരിക്കുകയായിരുന്നു.
ഇയാളുടെ ശരീരത്ത് ചുവന്ന കുമിളികള്‍ രൂപപ്പെടുകയും തുടര്‍ന്നാണ് വാനരവസൂരിക്കായുള്ള പരിശോധന നടത്തിയത്.
രോഗിക്ക് പനിയും ശരീര വേദനയും ശ്വാസതടസവും അനുഭവപ്പെട്ടിരുന്നു. ഒരേസമയം കോവിഡും വാനരവസൂരിയും ബാധിക്കാന്‍ സാധ്യതയുണ്ടെന്ന് സ്റ്റാന്‍ഫര്‍ഡ് യൂണിവേഴ്‌സിറ്റിയിലെ മെഡിക്കല്‍ വിഭാഗം പ്രൊഫസര്‍ ഡോ ഡീന്‍ വിന്‍സ്ലോ പറഞ്ഞു.
വാനര വസൂരി കേസുകള്‍ വര്‍ധിച്ചു വരുന്ന സാഹചര്യത്തില്‍ ലോകാരോഗ്യ സംഘടന ഇന്നലെ ആരോഗ്യ അടിയന്തരാവസ്ഥ പ്രഖ്യാപിച്ചിരുന്നു. 71 രാജ്യങ്ങളില്‍ 16,000ത്തോളം വാനര വസൂരി കേസുകളാണ് റിപ്പോര്‍ട്ട് ചെയ്തത്.
English Summary:The patient has both covid and monkey pox
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.