ശ്രീലങ്കന്‍ പ്രസിഡന്റിന്റെ അധികാരങ്ങള്‍ എടുത്തുകളയുന്നു

ശ്രീലങ്കന്‍ പ്രസിഡന്റിന്റെ അധികാരങ്ങള്‍ പലതും എടുത്തുകളയുന്നു. പ്രധാനമന്ത്രിയെയും മന്ത്രിസഭയെയും നീക്കാനുള്ളതുള്‍പ്പെടെയുള്ള അധികാരങ്ങളാണ് എടുത്തുകളയുന്നു. ഭരണഘടനാ ഭേദഗതിക്ക് ശ്രീലങ്ക തയാറെടുക്കുന്നു. മുന്‍ പ്രസിഡന്റ് ഗോത്തബയ രജപക്‌സെ അധികാരഭൃഷ്ടനായതോടെ ഭരണഘടനയുടെ 22-ാം ഭേദഗതിക്കായുള്ള കരടിലും ഒട്ടേറെ മാറ്റങ്ങള്‍ കൊണ്ടുവന്നതായി നിയമമന്ത്രി വിജയിദാസ രജപക്‌സെ പറഞ്ഞു.

പ്രധാനമന്ത്രിയെയും മന്ത്രിസഭയെയും നീക്കംചെയ്യാനുള്ള അധികാരം തുടരണമെന്നായിരുന്നു ഗോത്തബയ അവസാനംവരെ ആവശ്യപ്പെട്ടത്. അദ്ദേഹം അധികാരത്തില്‍ നിന്ന് പുറത്തായതോടെയാണ് കരടില്‍ മാറ്റങ്ങള്‍ കൊണ്ടുവന്നത്. സര്‍ക്കാര്‍ വിരുദ്ധ പ്രക്ഷോഭകരുടെ പ്രധാന ആവശ്യങ്ങളിലൊന്നും ഇതായിരുന്നു. അഴിമതിവിരുദ്ധ ചട്ടങ്ങളും കരട് നിര്‍ദേശത്തില്‍ ഉണ്ടെന്ന് നിയമമന്ത്രി വിശദീകരിച്ചു.

Eng­lish sum­ma­ry; The pow­ers of the Sri Lankan Pres­i­dent are tak­en away

You may also like this video;