ചന്ദ്രയാന് 3 ദൗത്യം വിജയിച്ചതിന് പിന്നാലെ റോവര് ചന്ദ്രോപരിതലത്തില് എട്ട് മീറ്റര് സഞ്ചരിച്ചതായി ഐഎസ്ആര്ഒ. ലാന്ഡറിന് പുറത്തേയ്ക്ക് റോവര് സഞ്ചരിക്കുന്നതിന്റെ വിഡീയോ ദൃശ്യവും പുറത്തുവിട്ടിരുന്നു.
റോവറിലെ രണ്ടു പേലോഡുകളുടെയും പ്രവർത്തനം ആരംഭിച്ചതായും ഐഎസ്ആര്ഒ അറിയിച്ചു. ലേസർ ഇൻഡ്യൂസ്ഡ് ബ്രേക്ക്ഡൗൺ സ്പെട്രോസ്കോപ്പ്, ആൽഫ പാർട്ടിക്കിൾ എക്സ്റേ സ്പെക്ട്രോമീറ്റർ എന്നിങ്ങനെ രണ്ട് പേലോഡുകളാണ് റോവറിലുള്ളത്. ലാൻഡറിലെയും പ്രൊപ്പൽഷൻ മൊഡ്യൂളിലെയും പേലോഡുകളും പ്രതീക്ഷിച്ചരീതിയില് തന്നെ പ്രവര്ത്തിക്കുന്നുണ്ട്.
ചന്ദ്രോപരിതലത്തിൽ ലാൻഡ് ചെയ്ത സ്ഥലത്തിന് സമീപത്തുനിന്നാണ് റോവർ വിവരങ്ങള് ശേഖരിക്കുക. റോവറിൽനിന്ന് ലാൻഡറിലേക്ക് മാത്രമേ വിവരങ്ങൾ കൈമാറാൻ സാധിക്കു. ലാൻഡറിന് പ്രൊപ്പൽഷൻ മൊഡ്യൂളിലേക്കും ചന്ദ്രയാൻ രണ്ടിന്റെ ഓർബിറ്ററിലേക്കും വിവരങ്ങൾ നൽകാം. ഇവ രണ്ടും ഇന്ത്യൻ ഡീപ് സ്പേസ് നെറ്റ്വർക്ക് വഴി ഐഎസ്ആർഒയുമായി ആശയവിനിമയം നടത്തും.
English summary;The rover payloads are operational
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.