മലപ്പുറം വളാഞ്ചേരിയില് ഒന്പത് പേര്ക്ക് എച്ച്ഐവി പോസിറ്റീവ്. ഒരേ സിറിഞ്ചിലൂടെ ലഹരി ഉപയോഗിച്ചതിനാലാണ് രോഗവ്യാപനം ഉണ്ടായതെന്നാണ് പ്രാഥമിക നിഗമനം. രോഗം സ്ഥിരീകരിച്ച ഒന്പത് പേരും സുഹൃത്തുക്കളാണ്.
ആരോഗ്യവകുപ്പ് നടത്തിയ സര്വെയിൽ ഒരാള്ക്ക് എചച്ച്ഐവി ബാധയുള്ളതായി കണ്ടെത്തുകയായിരുന്നു. പിന്നീട് എയ്ഡിസ് കണ്ട്രോള് സൊസൈറ്റിയുടെ നേതൃത്വത്തില് പരിശോധന നടത്തിയപ്പോഴാണ് ഒന്പത് പേര്ക്കും രോഗമുള്ളതായി സ്ഥിരീകരിച്ചത്. ഒരേ സിറിഞ്ച് ഉപയോഗിച്ച് ലഹരി കുത്തിവച്ചതിനെ തുടര്ന്നാണ് സുഹൃത്തുക്കള്ക്കിടയില് രോഗം പകര്ന്നതെന്ന് ആരോഗ്യവകുപ്പിന്റെ പരിശോധനയില് കണ്ടെത്തി. രോഗം സ്ഥിതീകരിച്ചവരിൽ പലരും വിവാഹിതരാണെന്നും കൂടുതല് പേര്ക്ക് രോഗം പകര്ന്നോയെന്ന് കണ്ടെത്താന് പരിശോധന നടത്തി വരികയാണെന്നും ആരോഗ്യവകുപ്പ് അറിയിച്ചു. എച്ച്ഐവി സ്ഥിരീകരിച്ചതില് ഇതര സംസ്ഥാനങ്ങളില് നിന്ന് തൊഴിലിനായി എത്തിയവരും ഉണ്ടെന്നാണ് വിവരം.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.