മൊബൈല് ഫോണ് വാങ്ങി വച്ചതിന്റെ പേരില് അധ്യാപകനെ ഭീഷണിപ്പെടുത്തുന്ന വിദ്യാര്ത്ഥിയുടെ വീഡിയോ ഇന്നലെ സമൂഹ മാധ്യമങ്ങളില് വ്യാപകമായി പ്രചരിച്ചിരുന്നു. സംഭവത്തില് പ്രതികരണവുമായി ഉന്നത വിദ്യാഭ്യാസവകുപ്പ് മന്ത്രി ആര് ബിന്ദു രംഗത്തെത്തി. ഉള്ളില് അഗ്നിപര്വതവും പേറി നടക്കുന്ന എത്രയോ കുട്ടികള് നമുക്ക് ചുറ്റുമുണ്ടെന്നും ഭഗ്നഭവനങ്ങളും സ്നേഹരഹിതമായ ചുറ്റുപാടുകളും മനസ്സിലാക്കപ്പെടാത്തതിന്റെ വിങ്ങലുകളിും അവഗണിത ബാല്യത്തിന്റെ മുറിപ്പാടുകളും അതില് കാണാമെന്നും മന്ത്രി ഫേസ്ബുക്ക് പോസ്റ്റില് കുറിച്ചു.
ഇത്തരത്തില് ഒരു കുട്ടിയുടെ വീഡിയോ എടുത്ത് പ്രചരിപ്പിക്കുന്നത് അധ്യാപകര്ക്ക് ചേര്ന്ന കാര്യമല്ലെന്നും ആര് ബിന്ദു പറഞ്ഞു. ഒരു കുഞ്ഞിലെ വിഹ്വല മുഹൂര്ത്തങ്ങള് പങ്ക് വച്ച്, അവനെ ക്രിമിനലാക്കി, അത് സാമാന്യവത്ക്കരിച്ച് കേരളത്തിലെ കുഞ്ഞുങ്ങളെയാകെ മോശക്കാരായി ചിത്രീകരിക്കുന്ന മുതിര്ന്നവരെ, നിങ്ങളുടെ ഉള്ളിലെ സാഡിസ്റ്റുകളെ കുടഞ്ഞുകളയാന് സമയമായി എന്നും മന്ത്രി ഫേസ്ബുക്കിലൂടെ കുറിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.