കുവൈറ്റിലെ പ്രധാന പാതകളായ ഫിഫ്ത് റിങ്ങ് റോഡിലും അറേബ്യൻ ഗൾഫ് റോഡിലും ഗതാഗത നിയന്ത്രണങ്ങൾ ഏർപ്പെടുത്തിയതായി ജനറൽ ട്രാഫിക് ഡിപ്പാർട്ട്മെന്റ് അറിയിച്ചു. റോഡ് അറ്റകുറ്റപ്പണികൾ, ട്രാഫിക് സൈൻ ബോർഡുകളുടെ സ്ഥാപനം എന്നിവയുടെ ഭാഗമായാണ് നടപടി.ഫിഫ്ത് റിങ്ങ് റോഡ് (സൽമിയ ഭാഗത്തേക്ക്) ശൈഖ് സായിദ് ബിൻ സുൽത്താൻ അൽ നഹ്യാൻ റോഡിൽ (ഫിഫ്ത് റിങ്ങ് റോഡ്) സൽമിയ ഭാഗത്തേക്കുള്ള പാത ഭാഗികമായി അടച്ചു. കിംഗ് ഫൈസൽ റോഡ് ഇന്റർസെക്ഷൻ മുതൽ കിംഗ് ഫഹദ് ബിൻ അബ്ദുൽ അസീസ് റോഡ് ഇന്റർസെക്ഷൻ വരെയുള്ള ഭാഗത്താണ് നിയന്ത്രണം.
ഓവർഹെഡ് ഗൈഡൻസ് ബോർഡുകൾ സ്ഥാപിക്കുന്നതിനും സുരക്ഷാ ക്രമീകരണങ്ങൾ വര്ധിപ്പിക്കുന്നതിനുമാണ് ഈ നടപടി. അറേബ്യൻ ഗൾഫ് റോഡിലെ ഒന്നര വരി പാത ഒരാഴ്ചത്തേക്ക് അറ്റകുറ്റപ്പണികൾക്കായി അടച്ചു. എന്ജിനീയേഴ്സ് അസോസിയേഷൻ ഇന്റർസെക്ഷൻ മുതൽ സെക്കൻഡ് റിങ്ങ് റോഡ് ഇന്റർസെക്ഷൻ വരെയുള്ള ഭാഗത്തെ ഗതാഗതത്തിന് 30 വരെ നിയന്ത്രണങ്ങൾ ഏർപ്പെടുത്തി. യാത്രക്കാർ നിയന്ത്രണമേഖലകളിൽ വേഗ പരിധി കുറച്ചു ഗതാഗത കുരുക്ക് ഒഴിവാക്കുന്നതിനായി ട്രാഫിക് നിര്ദേശങ്ങൾ പാലിക്കണമെന്ന് ജനറൽ ട്രാഫിക് ഡിപ്പാർട്മെന്റ് അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.