മദ്രാസ് ഹൈക്കോടതി ജഡ്ജിയെ അപകീര്ത്തിപ്പെടുത്തിയ മൂന്ന് ടിവികെ പ്രവര്ത്തകരെ പൊലീസ് അറസ്റ്റ് ചെയ്തു. കണ്ണൻ, ഡേവിഡ്, ശശി എന്നിവരെയാണ് ചെന്നൈ സൈബര് ക്രൈം പൊലീസ് അറസ്റ്റ് ചെയ്തത്. പ്രതികള് ക്ഷമാപണം നടത്തുന്ന വീഡിയോ സമൂഹമാധ്യമങ്ങളില് പ്രചരിക്കുകയാണ്.
കരൂരിൽ തിക്കിലും തിരക്കിലും പെട്ട് 41 പേർ മരിച്ച സംഭവത്തിൽ പാർട്ടിയെയും നേതാവിനെയും കോടതി വിമർശിച്ചിരുന്നു. പിന്നാലെ ജഡ്ജിയെ വ്യക്തിപരമായി അധിക്ഷേപിച്ച് ഇവര് സമൂഹമാധ്യമങ്ങളില് പോസ്റ്റ് ഇടുകയായിരുന്നു. തുടര്ന്നുള്ള പൊലീസ് അന്വേഷണത്തില് ഇവരെ പിടികൂടുകയും കസ്റ്റഡിയിലെടുക്കുകയുമായിരുന്നു. ഇവരെ ചോദ്യം ചെയ്തുവരികയാണെന്ന് പൊലീസ് അറിയിച്ചു. കൂടുതല് പേര് ഇതില് ഉള്പ്പെട്ടിട്ടുണ്ടോ എന്ന് അന്വേഷിച്ചുവരികയാണ് ഉദ്യോഗസ്ഥര്. പ്രതികള്ക്കെതിരെ ഭാരതീയ ന്യായ സൻഹിതയിലെ വിവിധ വകുപ്പുകള് പ്രകാരം കേസെടുത്തിരിക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.