കഴിഞ്ഞ അഞ്ച് വര്‍ഷത്തിനിടെ രാജ്യത്തെ 54 കേന്ദ്ര സര്‍വകലാശാലകളിലായി 24 വിദ്യാര്‍ത്ഥികള്‍ ആത്മഹത്യ ചെയ്തു. ലോക്‌സഭയിലെ ചോദ്യോത്തര വേളയില്‍ കേന്ദ്ര വിദ്യാഭ്യാസ സഹമന്ത്രി രാജ്കുമാർ രഞ്ജൻ സിങ് ബിഎസ്‌പി അംഗം ഡാനിഷ് അലിക്ക് നല്‍കിയ മറുപടിയിലാണ് ഇക്കാര്യം വ്യക്തമാക്കുന്നത്.
വിദ്യാർത്ഥികളോടുള്ള പീഡനവും വിവേചനവും തടയാൻ കേന്ദ്ര സർക്കാരും യൂണിവേഴ്‌സിറ്റി ഗ്രാന്റ്‌സ് കമ്മിഷനും (യുജിസി) നിരവധി നടപടികൾ സ്വീകരിച്ചിട്ടുണ്ടെന്നും മന്ത്രി പറഞ്ഞു. ഉത്തർപ്രദേശിലെ മൊറാദാബാദിലെ തീർത്ഥങ്കർ മഹാവീർ യൂണിവേഴ്‌സിറ്റിയിൽ (സ്വകാര്യ യൂണിവേഴ്‌സിറ്റി) സമീപകാലത്ത് മൂന്ന് വിദ്യാർത്ഥികൾ ആത്മഹത്യ ചെയ്‌തതായി ഡാനിഷ് അലി പറഞ്ഞു. ഏറ്റവും കൂടുതൽ ആത്മഹത്യകൾ നടന്നത് യുപിയിലാണ്, എട്ട്.
ഡൽഹിയിലും തെലങ്കാനയിലും നാല് വീതവും പുതുച്ചേരിയില്‍ രണ്ടും ആത്മഹത്യകളുണ്ടായി. തമിഴ്‌നാട്, രാജസ്ഥാൻ, മധ്യപ്രദേശ്, ഹരിയാന, കർണാടക ഒന്ന് വീതം ആത്മഹത്യകള്‍ റിപ്പോര്‍ട്ട് ചെയ്തിട്ടുണ്ടെന്നും രാജ്കുമാര്‍ ലോക്‌സഭയെ അറിയിച്ചു.
English Summary:Twenty-four students have committed suicide at central universities
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.