9 January 2025, Thursday
KSFE Galaxy Chits Banner 2

ചേർത്തല റയിൽവേ സ്റ്റേഷനിലെ ഉപയോഗിക്കാതെ കിടക്കുന്ന കോച്ചുകൾ യാത്രക്കാർക്കു തടസ്സമാകുന്നു

Janayugom Webdesk
ചേര്‍ത്തല
November 26, 2021 5:43 pm

ചേർത്തല റയിൽവേ സ്റ്റേഷനിൽ മാസങ്ങളായി ഉപയോഗിക്കാതെ കിടക്കുന്ന കോച്ചുകൾ യാത്രക്കാർക്കു തടസ്സമാകുന്നു. ഇതുമൂലം പല യാത്രക്കാർക്കും കൂടുതൽ നടന്നുവേണം സ്റ്റേഷനിലെത്താൻ. സ്റ്റേഷനിലെ മൂന്നാമത്തെ പ്ലാറ്റ്ഫോമിലാണ് രണ്ടാം ലോക്ഡൗണിനു ശേഷം ട്രെയിൻ നിർത്തിയിട്ടിരിക്കുന്നത്.

ട്രെയിനിന്റെ 22 കംപാർട്മെന്റുകളാണ് ഇവിടെ ഇട്ടിരിക്കുന്നത്. ഇതുമൂലം പടിഞ്ഞാറ്, തെക്ക് ഭാഗങ്ങളിൽ നിന്നു റെയിൽവേ സ്റ്റേഷനിലേക്ക് എത്തുന്ന യാത്രക്കാർക്ക് ഏറെ പ്രയാസമാണ്. ട്രെയിൻ വരുന്നതു കാണാൻ പറ്റില്ല എന്നതാണ് പ്രധാന തടസ്സം. മുൻപ് മൂന്നാമത്തെ പ്ലാറ്റ്ഫോമിലൂടെ കയറി സ്റ്റേഷനിലേക്ക് എത്താമായിരുന്നു. ഇപ്പോൾ ട്രെയിൻ കിടക്കുന്നതിനാൽ അതിനു സാധിക്കാതെ ഏറെദൂരം നടന്നുവേണം സ്റ്റേഷനിലെത്താൻ. നിർത്തിയിട്ടിരിക്കുന്ന ട്രെയിനിന്റെ വാതിലുകൾ അടച്ചിട്ടിരിക്കുകയുമാണ്. അതിനാൽ അതിലൂടെയും കയറാനാവില്ല.

മൂന്നാമത്തെ പ്ലാറ്റ്ഫോമിനോടു ചേർന്നുള്ള പ്രദേശം കാടുപിടിച്ചു കിടക്കുകയാണ്. വെളിച്ചമില്ലാത്തതും ഇഴജന്തു, തെരുവുനായ് ശല്യവും മാലിന്യവും യാത്രക്കാരെ വലയ്ക്കുന്നു. യാത്രക്കാർ ഭീതിയോടെയാണു കടന്നുപോകുന്നത്. എല്ലാ ട്രെയിനുകളും ഓടിത്തുടങ്ങുന്നതോടെ ഇവിടെയുള്ളത് നീക്കിയേക്കുമെന്നാണ് റെയിൽവേ അധികൃതർ നൽകുന്ന വിവരം.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.