ജെന്‍ഡര്‍ ന്യൂട്രല്‍ പാസ്‍പോര്‍ട്ട് സംവിധാനം നടപ്പാക്കാനൊരുങ്ങി യുഎസ്. പുതിയ വ്യവസ്ഥ അനുസരിച്ച് വ്യക്തിയുടെ താല്പര്യാനുസരണം ലിംഗം വെളിപ്പെടുത്തുകയോ വെളിപ്പെടുത്താതിരിക്കുകയോ ചെയ്യാം. സ്‍ത്രീ, പുരുഷന്‍ എന്നീ വിഭാഗത്തിനു പുറമേ, എക്സ് എന്ന ലിംഗ പദവിയിലും പാസ്‍പോര്‍ട്ട് ലഭ്യമാകും. എല്‍ബിടിക്യൂ അവകാശങ്ങള്‍ രാജ്യത്ത് വെട്ടിക്കുറയ്ക്കുന്നുവെന്നും ലിംഗപരമായ പ്രതിസന്ധികള്‍ വര്‍ധിച്ചുവരുകയാണെന്നുമുള്ള വിമര്‍ശനങ്ങള്‍ക്കിടെയാണ് ബെെ‍ഡന്‍ ഭരണകൂടം പുതിയ വ്യവസ്ഥ അവതരിപ്പിച്ചത്.
ലിംഗം വെളിപ്പെടുത്തേണ്ടി വരുമ്പോൾ പല തരത്തിലുള്ള ചൂഷണങ്ങൾക്ക് ഇരയാകുന്നതായും ആരോപണങ്ങളുണ്ട്. ഇത്തരമൊരു പ്രശ്നം ഒഴിവാക്കാൻ കൂടി ലക്ഷ്യമിട്ടുള്ളതാണ് പുതിയ സർക്കാർ തീരുമാനം. എല്‍ബിടിക്യൂ വിഭാഗത്തെ ഉദ്ദേശിച്ചുള്ള നടപടിയാണെങ്കിലും ആൺ‑പെൺ എന്ന വേർതിരിവ് മറികടക്കാൻ പുതിയ തീരുമാനം ഉപകരിക്കുമെന്ന വാദങ്ങളും ഉയര്‍ന്നുവരുന്നുണ്ട്.
English Summary:US with Gender Neutral Passport
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.