വന്ദേ ഭാരത് എക്സ്പ്രസ് കേന്ദ്രത്തിന്റെ ഔദാര്യമല്ലെന്നും കേരളത്തിന്റെ അവകാശമാണെന്നും മന്ത്രി പി എ മുഹമ്മദ് റിയാസ്. റയിവേയ്ക്ക് ഏറ്റവും കൂടുതൽ വരുമാനം ഉണ്ടാക്കി കൊടുക്കുന്ന സംസ്ഥാനങ്ങളിലൊന്നാണ് കേരളം. ആ നിലയ്ക്ക് കേരളത്തിന് പുതിയ തീവണ്ടികളും ബോഗികളും അനുവദിക്കണമെന്നും അദ്ദേഹം പറഞ്ഞു.
കണ്ണൂർ കാടാച്ചിറ ടൗൺ സൗന്ദര്യവൽക്കരിച്ചതിന്റെ ഉദ്ഘാടനം നിർവഹിക്കുകയായിരുന്നു അദ്ദേഹം. വന്ദേ ഭാരത് കിട്ടിയതിൽ ആത്മാർത്ഥമായി സന്തോഷിക്കുന്നു. എന്നാൽ കേരളത്തിലെ ഗതാഗത പ്രശ്നങ്ങൾ ഇതുകൊണ്ട് പരിഹരിക്കപ്പെടുന്നില്ല. വളവുകൾ നേരെയായാൽ മാത്രമേ ഈ ട്രെയിൻ വേഗതയിൽ പോകാൻ കഴിയൂ, അല്ലെങ്കിൽ ജനശതാബ്ദി, രാജധാനി എക്സ്പ്രസ് പോകുന്ന വേഗതയിൽ മാത്രമേ പോകാനാവൂ.
നിലവിലുള്ള പ്രശ്നങ്ങൾക്ക് പരിഹാരമായാണ് കെ റെയിൽ പദ്ധതി കൊണ്ടുവരാൻ ശ്രമിച്ചതെന്നും റിയാസ് പറഞ്ഞു.
English Summary: Vandebharat Express is not a bounty of the Centre; Minister Muhammad Riaz
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.