ഭൂതകാലം കേൾപ്പിപ്പൂ
അനുഭൂതിരാഗമിടയ്ക്കിടെ
യതുകേട്ടു തുടിക്കുന്നു
ഹൃദയമതിശക്തമായ്
മധുരമെന്നുമേകിത്തഴുകുന്നു
വർത്തമാനം,സ്നേഹപാശത്താൽ
അഴലുകളുഴുക്കിയും
പൊൻപുഞ്ചിരി പരത്തിയും
ഇരുകാലവും സന്ധിപ്പൂ
ഒരേ ഹൃദയവേദിയിലതിനാ-
ലുരുകിയുരുകിത്തിളയ്ക്കുന്നു
മോഹവും മോഹഭംഗവും
തേന്മാവിൽ മുല്ലയെന്നപോൽ
പടർന്നേറിക്കഴിഞ്ഞു നീ,
അടർത്തിയാലടർന്നുപോ-
മെന്റെയും നിന്റെ പ്രാണനും
രണ്ടും പ്രിയലതകളതിനാലെ
ആവുന്നില്ലതുകളടർത്തുവാൻ
തടുത്തു നില്ക്കുന്നു ഞാനെ-
പ്പോഴുംഭൂതകാലത്തെയാവതും
ഭൂതവും വർത്തമാനവും
ഭാവിയിലേക്കൊരുപോലെയാം
അതിനാലതിശക്തനാകുന്നു
കാലങ്ങളെ പകുക്കുവാൻ
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.