മോഹൻലാലിനെ നായകനാക്കി മേജർ രവി സംവിധാനം ചെയ്ത ‘കർമയോദ്ധാ’ എന്ന സിനിമയുടെ തിരക്കഥ മോഷ്ടിച്ചതാണെന്ന് കോടതി വിധി. തിരക്കഥാകൃത്ത് റെജി മാത്യു നൽകിയ പരാതിയിൽ കോട്ടയം കൊമേഴ്സ്യൽ കോടതിയുടേതാണ് ഉത്തരവ്. പരാതിക്കാരനായ റെജി മാത്യുവിന് മേജർ രവി 30 ലക്ഷം രൂപ നഷ്ടപരിഹാരം നൽകണമെന്നും കോടതി വിധിച്ചു.
മേജർ രവി ആവശ്യപ്പെട്ട പ്രകാരമാണ് താൻ കഥ എഴുതിയതെന്നും എന്നാൽ താൻ അറിയാതെ ഈ തിരക്കഥ മറ്റൊരാൾക്ക് നൽകി സിനിമയാക്കുകയായിരുന്നു എന്നുമാണ് റെജി മാത്യു പരാതിപ്പെട്ടത്. 2012ൽ പുറത്തിറങ്ങിയ ചിത്രത്തിന്റെ രചനയും സംവിധാനവും മേജർ രവി തന്നെയായിരുന്നു നിർവഹിച്ചത്. 13 വർഷം നീണ്ട നിയമപോരാട്ടത്തിനൊടുവിലാണ് ഇപ്പോൾ വിധി വന്നിരിക്കുന്നത്. വിധിയിൽ സന്തോഷമുണ്ടെന്നും ഈ നിയമപോരാട്ടത്തിനിടയിൽ സിനിമയിൽ നിന്ന് പോലും മാറിനിൽക്കേണ്ടി വന്നുവെന്നും റെജി മാത്യു പ്രതികരിച്ചു. നീതി ലഭിച്ച സാഹചര്യത്തിൽ ഇനി സിനിമയിൽ വീണ്ടും സജീവമാകുമെന്നും അദ്ദേഹം കൂട്ടിച്ചേർത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.