പാരീസ് ഒളിംമ്പിക്സില് അയോഗ്യയാക്കപ്പെട്ട ഗുസ്തി താരം വിനേഷ് ഫോഗട്ട് ഇന്ത്യയില് തിരിച്ചെത്തി. വിമാനത്താവളത്തില് ഗംഭീര സ്വീകരണമാണ് ബന്ധുക്കളും മറ്റു ഗുസ്തി താരങ്ങളും നാട്ടുകാരും ചേര്ന്ന് ഒരുക്കിയത്. ഡല്ഹി അന്താരാഷ്ട്ര വിമാനത്താവളത്തില് എത്തിയത്. കനത്ത സുരക്ഷയാണ് ഒരുക്കിയിരുന്നു. സാക്ഷി മാലിക്ക്, ബജ്റംഗ് പൂനിയ തുടങ്ങിയവര് താരത്തെ സ്വീകരിക്കാന് എത്തിയിരുന്നു. സ്വീകരണത്തിനിടെ വികാധീനയായ വിനേഷ് എല്ലാവരോടും നന്ദി പറഞ്ഞു. ഇത്തരത്തില് ഒരു പിന്തുണ ലഭിച്ചതില് ഭാഗ്യവതിയാണെന്നും താരം വ്യക്തമാക്കി. രാജ്യം നല്കിയത് സ്വര്ണ മെഡലിനേക്കാള് വലിയ ആദരമാണെന്ന് വിനേഷിന്റെ അമ്മ പറഞ്ഞു.
സ്വീകരണത്തിന് ശേഷം ജന്മനാടായ ഹരിയാനയിലെ ചാര്ഖി ദാദ്രിയിലേക്ക് പോകും. അവിടെ വെച്ച് ഖാട്ട് പഞ്ചായത്ത് തീരുമാനിച്ച സ്വീകരണ പരിപാടികളില് വിനേഷ് പങ്കെടുക്കും. അതേസമയം നേരത്തെ, വിരമിക്കല് തീരുമാനം പിന്വലിച്ചേക്കുമെന്ന പരോക്ഷ സൂചന നല്കി വിനേഷ് ഫോഗട്ടിന്റെ തുറന്ന കത്ത് ഏറെ ചര്ച്ചയായിരുന്നു. ഭാവിയില് എന്ത് സംഭവിക്കുമെന്ന് പ്രവചിക്കാനാകില്ല. പാരിസ് ഒളിംമ്പിക്സ് ഗുസ്തി ഫൈനലില് മത്സരിക്കാനായി പരമാവധി എല്ലാം ചെയ്തു.
കോച്ചിനും ഫിസിയോത്തെറാപ്പിസ്റ്റിനും വിനേഷ് ഫോഗട്ട് നന്ദി പറയുകയും ചെയ്തു. സപ്പോര്ട്ടിംഗ് സ്റ്റാഫിന്റെ കഠിനാധ്വാനം തനിക്ക് അറിയാമെന്നും വിനേഷ്. വനിതകളുടെ അന്തസ്സിനും രാജ്യത്തിന്റെ മൂല്യങ്ങള്ക്കുമായാണ് ഗുസ്തി സമരത്തില് വിനേഷ് പൊരുതിയത്. നീതിക്കായുള്ള പോരാട്ടം ഇനിയും തുടരുമെന്നും. പാരിസില് ഇന്ത്യന് പതാക ഉയര്ത്തണമെന്ന് ആഗ്രഹിച്ചിരുന്നുവെന്നും വിനേഷ് പങ്കുവെച്ച കത്തില് പറയുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.