വന്യജീവി ആക്രമണം അഞ്ച് വര്‍ഷത്തിനിടെ 2,950 മരണം

കഴിഞ്ഞ അഞ്ച് വർഷത്തിനിടെ ഇന്ത്യയിൽ 2,950 പേർക്ക് ആനയുടെയും കടുവയുടെയും ആക്രമണം മൂലം ജീവന്‍ നഷ്ടമായതായി കണക്കുകള്‍.
2022–23ൽ 605 പേർ ആനയുടെ ആക്രമണത്തിന് ഇരയായിട്ടുണ്ടെന്ന് പരിസ്ഥിതി, വനം സഹമന്ത്രി അശ്വിനി കുമാർ രാജ്യസഭയെ അറിയിച്ചു. 148 മരണങ്ങളോടെ ഒഡിഷയിലാണ് ഏറ്റവും കൂടുതൽ ആക്രമണങ്ങളുണ്ടായത്. 2021ൽ കടുവകളുടെ ആക്രമണത്തിൽ മരിച്ചവരുടെ എണ്ണം 59 ആയിരുന്നു. 2022ൽ ഇത് 103 ആയി ഉയർന്നതായും മന്ത്രി അറിയിച്ചു.
കടുവയുടെ ആക്രമണത്തിൽ ഏറ്റവും കൂടുതൽ മരണം റിപ്പോർട്ട് ചെയ്യപ്പെട്ടത് മഹാരാഷ്ട്രയിലാണ്. ഇവിടെ 85 പേര്‍ക്ക് ജീവന്‍ നഷ്ടപ്പെട്ടു. മനുഷ്യ‑വന്യജീവി സംഘർഷം ലഘൂകരിക്കുന്നതിന് നടപടിയെടുക്കണമെന്ന് നിർദേശങ്ങൾ നൽകിയിട്ടുണ്ടെന്നും ഇതിനായി വിവിധ നിരീക്ഷണങ്ങള്‍ ഏര്‍പ്പെടുത്തിയിട്ടുണ്ടെന്നും മന്ത്രാലയം പറയുന്നു.

eng­lish sum­ma­ry; Wildlife attacks kill 2,950 in five years

you may also like this video;