പേവിഷ ബാധയേറ്റ് യുവാവ് മരിച്ചു. വക്കം അടിവാരം വരമ്പില്‍ വീട്ടില്‍ ജിഷ്ണു(29) ആണ് മരിച്ചത്. ഇന്നലെ മെഡിക്കല്‍ കോളജിലാണ് അന്ത്യം. രണ്ട് ദിവസം മുമ്പ് കഠിനമായ പനിയെ തുടര്‍ന്ന് ചിറയിന്‍കീഴ് താലൂക്ക് ആശുപത്രിയല്‍ ചികിത്സ തേടിയിരുന്നു. പ്രാരംഭ പരിശോധനകള്‍ക്ക് ശേഷം ജിഷ്ണുവിനെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
മെഡിക്കല്‍ കോളജില്‍ നടത്തിയ പരിശോധനയിലാണ് പേവിഷ ബാധയേറ്റ വിവരം അറിഞ്ഞത്. ആശുപത്രിയിലെ തീവ്രപരിചരണ വിഭാഗത്തില്‍ കഴിയുകയായിരുന്ന ജിഷ്ണു ഇന്ന് രാവിലെയോടെ മരണിക്കുകയായിരുന്നു. സമീപവാസിയുടെ നായുടെ നഖം കൊണ്ട് മുറിവേറ്റിരുന്നു. ഇതിന് ജിഷ്ണു ചികിത്സയോ പ്രതിരോധ വാക്‌സിനോ എടുത്തിരുന്നില്ല. ഇങ്ങനെയാകാം പേവിഷ ബാധയേറ്റതെന്ന് ആശുപത്രി അതികൃതര്‍ പറഞ്ഞു. മൃതദേഹം നാളെ വീട്ടുവളപ്പില്‍ സംസ്കരിക്കും. ഭാര്യ അജിസ. മകള്‍ അല്‍ഫാന.
English Summary: young man died of rabies
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.