കല്ലടജലസേചനപദ്ധതിയുടെ സംരക്ഷണം സാധ്യമാക്കണമെന്നാവശ്യപ്പെട്ടുകൊണ്ട് അഖിലേന്ത്യാ കിസാൻ സഭയുടെ നേതൃത്വത്തിൽ 11ന് കൊട്ടാരക്കര കെഐപി ഓഫീസിലേക്ക് മാർച്ചും ധർണ്ണയും നടത്തും. 1961 പദ്ധതി അനുമതി വാങ്ങി നിർമ്മാണം ആരംഭിച്ച കല്ലട ജലസേചന പദ്ധതി വലിയ ജനപങ്കാളിത്തത്തോടെ കേരളത്തിൽ പൂർത്തീകരിച്ച ഏറ്റവും പ്രധാനപ്പെട്ട പദ്ധതിയാണ്. പദ്ധതിയുടെ സംരക്ഷണത്തിനുള്ള സഹായം ലഭ്യമാക്കണം എന്നത് വർഷങ്ങളായുള്ള ആവശ്യമാണ്.
പദ്ധതിയുടെ മുന്നോട്ട് പോക്കിനായി ആവശ്യമായുള്ള ഫണ്ട് കാലാകാലങ്ങളിൽ ലഭിക്കാതെ വരികയും പദ്ധതിയുടെ ഏരിയയിലുള്ള ഓഫീസുകളിൽ പലതും നിർത്തലാക്കുകയും ഉദ്യോഗസ്ഥരെ പരിമിതപ്പെടുത്തുകയും ചെയ്തതുവഴി പദ്ധതിക്ക് യാതൊരുസംരക്ഷണവും ഇല്ലാത്ത അവസ്ഥയിലായി മാറിയിട്ടുണ്ട്.
മാർച്ച് കിസാൻ സഭയ അഖിലേന്ത്യാ സെക്രട്ടറി സത്യൻ മൊകേരി ഉദ്ഘാടനം ചെയ്യുമെന്ന് സംരക്ഷണ സമിതി ചെയർമാൻ പി എസ് സുപാൽ എംഎല്‍എയും ജനറൽ കൺവീനർ എ പി ജയനും അറിയിച്ചു. മാർച്ചിന് മുന്നോടിയായി താലൂക്ക് തല ജനകീയ കൺവൻഷനുകളും ചേർന്നിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.