മണിപ്പൂരില് സുരക്ഷാ സേനയുടെ വെടിവെയ്പില് 10 തീവ്രവാദികള് കൊല്ലപ്പെട്ടതായി വിവരം. അസം റൈഫിള്സ് യൂണിറ്റിന്റെ ഏറ്റുമുട്ടലിലാണ് 10പേര് കൊല്ലപ്പെട്ടത്. മ്യാന്മര് അതിര്ത്തി പ്രദേശമായ ചന്ദേല് ജില്ലയിലാണ് ഏറ്റുമുട്ടലുണ്ടായത്. ഇവരില് നിന്ന് നിരവധി ആയുധങ്ങളും സ്പോടക വസ്തുക്കളും പിടിച്ചെടുത്തതായി സുരക്ഷാ സേന അറിയിച്ചു.
ഇന്ത്യ- മ്യാന്മര് അതിര്ത്തിയോട് ചേര്ന്നുള്ള ചന്ദേല് ജില്ലയിലെ ഖെങ്ജോയ് തെഹ്സനിലെ ന്യൂ സാംതാല് ഗ്രാമത്തിന് സമീപം സായുധ കേഡറുകളുടെ നീക്കത്തെക്കുറിച്ച് പ്രത്യേക രഹസ്യ വിവരം ലഭിച്ചതിന്റെ അടിസ്ഥാനത്തില്, സ്പിയര് കോര്പ്സിന്റെ കീഴിലുള്ള അസം റൈഫിള്സ് യൂണിറ്റ് മെയ് 14ന് തിരച്ചില് ആരംഭിച്ചു. ഓപ്പറേഷനിടെ കേഡര്മാര് സൈനികര്ക്ക നേരെ വെടിയുതിര്ത്തു. തുടര്ന്നുള്ള വെടിവെയ്പില് 10 കേഡറുകളെ വധിച്ചു . ആയുധങ്ങളും വെടിമരുന്നുകളും കണ്ടെത്തുകയും ചെയ്തു. സൈന്യത്തിന്റെ കിഴക്കന് കാന്ഡ് എക്സില് കുറിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.