കാലാവസ്ഥ വ്യതിയാനത്താല്‍ കഴിഞ്ഞ 50 വര്‍ഷങ്ങളിലായി രണ്ട് ദശലക്ഷത്തിധികം ആളുകള്‍ കൊല്ലപ്പെട്ടതായി ഐക്യരാഷ്ട്ര സഭ ഏജന്‍സി റിപ്പോര്‍ട്ട്. കാലാവസ്ഥ വ്യതിയാനം കൊണ്ടുണ്ടാകുന്ന പ്രളയം, ഉഷ്ണതരംഗം തുടങ്ങിയ പ്രകൃതി ദുരന്തങ്ങളിലാണ് ആളുകള്‍ കൊല്ലപ്പെട്ടത്.
മുന്‍ വര്‍ഷങ്ങളെ അപേക്ഷിച്ച്‌ കഴിഞ്ഞ 50 വര്‍ഷങ്ങളില്‍ ദുരന്തങ്ങളുടെ എണ്ണം അഞ്ചുമടങ്ങ് വര്‍ധിച്ചിട്ടുണ്ടെന്ന് റിപ്പോര്‍ട്ടില്‍ പറയുന്നു. ഈ സമയത്ത് ഏകദേശം 400 ലക്ഷം കോടി രൂപയുടെ നാശനഷ്ടവും ഉണ്ടായതായി പഠനം കണക്കുകൂട്ടുന്നു. വേള്‍ഡ് മിറ്റിയോറോളജിക്കല്‍ ഓര്‍ഗനൈസഷന്‍ ആണ് പഠനം നടത്തിയിട്ടുള്ളത്.
1979 മുതല്‍ 2019 വരെയുള്ള വര്‍ഷങ്ങളില്‍ ആകെ 11000 പ്രകൃതി ദുരന്തങ്ങള്‍ സംഭവിച്ചിട്ടുണ്ടെന്ന് റിപ്പോര്‍ട്ടില്‍ പറയുന്നു. ഏഷ്യയില്‍ 50 വര്‍ഷത്തിനുള്ളില്‍ 3,454 പ്രകൃതിദുരന്തങ്ങളിലായി 160 ലക്ഷം കോടി രൂപയുടെ നഷ്ടം ഉണ്ടായിട്ടുണ്ട്. എത്യോപ്യയില്‍ 1983 ല്‍ ഉണ്ടായ കൊടും വരള്‍ച്ചയില്‍ മരണപ്പെട്ടത് 300,000 ആളുകളാണ്. 2005 ല്‍ ഉണ്ടായ കത്രീന ചുഴലിക്കാറ്റില്‍ 163.61 ബില്യണ്‍ ഡോളറിന്റെ നഷ്ടമാണ് ഉണ്ടായത്. ആഗോളതാപനം ഉയരുന്ന സാഹചര്യത്തില്‍ ഇത്തരത്തിലുള്ള പ്രകൃതി ദുരന്തങ്ങള്‍ വര്‍ധിക്കുമെന്നും ഏജന്‍സി വിലയിരുത്തുന്നു.
english summary;Two million deaths in natural disasters
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.