പ്രതിഫലം വാങ്ങാതെയാണ് ടി20 ലോകകപ്പില് ഇന്ത്യയുടെ ഉപദേഷ്ടാവായി എംഎസ് ധോണിയെത്തുന്നതെന്ന് ബിസിസിഐ പ്രസിഡന്റ് സൗരവ് ഗാംഗുലി. പ്രതിഫലമൊന്നുമില്ലാതെ തന്നെ ലോകകപ്പില് ഇന്ത്യയുടെ ഉപദേഷ്ടാവായിരിക്കാന് ധോണി തയാറായിയെന്ന് ബിസിസിഐ സെക്രട്ടറി ജയ് ഷായും സ്ഥിരീകരിച്ചു.
ധോണിക്ക് ഇന്ത്യന് ടീമിനോടുള്ള സ്നേഹത്തിന്റെയും കടപ്പാടിനെയും പ്രശംസിച്ച് ഇതിനോടകം നിരവധി പോസ്റ്റുകള് സമൂഹ മാധ്യമങ്ങളില് പ്രത്യക്ഷപ്പെട്ടുകഴിഞ്ഞു. എന്തായാലും ധോണിയുടെ ഈ തീരുമാനത്തിന് വിരോധികള് പോലും കൈയടിക്കുമെന്നുറപ്പ്.
ധോണിക്ക് ശേഷം കോലി ഇന്ത്യയുടെ നായകനായി എത്തിയെങ്കിലും ഒരു ഐസിസി കിരീടം പോലും സ്വന്തമാക്കാനായിട്ടില്ല. എന്നാല് ധോണിയെത്തുന്നതോടുകൂടി ഇന്ത്യന് ടീം കൂടുതല് കരുത്ത് തെളിയിക്കുമെന്നാണ് എല്ലാവരുടെയും പ്രതീക്ഷ. കഴിഞ്ഞ ആറ് ടി20 ലോകകപ്പ് എഡിഷനിലും എം എസ് ധോണിയാണ് ഇന്ത്യയെ നയിച്ചിട്ടുള്ളത്. 2007 ല് നടന്ന പ്രഥമ ഐസിസി ലോകകപ്പ് ധോണിയുടെ കീഴിലാണ് ഇന്ത്യ നേടിയത്.
ENGLISH SUMMARY:Dhoni becomes advisor without pay: Ganguly
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.