ദേശീയ പതാകയായി കാവിക്കൊടി മാറുന്ന കാലം വിദൂരമല്ലെന്ന് കർണാടക പഞ്ചായത്ത് രാജ് മന്ത്രി കെ എസ് ഈശ്വരപ്പ. എല്ലായിടത്തും കാവി പതാക ഉയർത്തും. ഇന്ത്യ ഹിന്ദു രാജ്യമായി മാറുമെന്നും ഈശ്വരപ്പ പറഞ്ഞു. ശിവമോഗയിൽ ദേശീയ പതാക ഉയർത്തുന്ന കൊടിമരത്തിൽ, സംഘപരിവാറുകാർ കാവിക്കൊടി ഉയർത്തിയ സംഭവത്തിലാണ് പ്രസ്താവന.
നൂറ്റാണ്ടുകൾ മുമ്പ് രാമനും ഹനുമാനുമൊക്കെ അവരുടെ രഥത്തിൽ കാവി പതാക ഉപയോഗിച്ചിരുന്നില്ലേ. ഭാവിയിലും അത് സംഭവിക്കില്ലെന്ന് ആർക്കറിയാം. അയോധ്യയിൽ രാമക്ഷേത്രം നിർമിക്കുമെന്ന് പറഞ്ഞപ്പോൾ ഞങ്ങളെ നോക്കി ചിരിച്ചു.
അത് ഇപ്പോൾ സാധ്യമാക്കിയില്ലെ’ഈശ്വരപ്പ ചോദിച്ചു. എന്നാൽ, ത്രിവർണ പതാകയാണ് ഇപ്പോൾ ദേശീയ പതാകയെന്നും അതിനെ ബഹുമാനിക്കാത്തവർ രാജ്യദ്രോഹികളാണെന്നും ഈശ്വരപ്പ പറഞ്ഞു.
English Sumamry: Making the national flag saffron is not far off: BJP minister
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.