പ്രധാനമന്ത്രി നരേന്ദ്ര മോഡി ദിവസവും ഉറങ്ങുന്നത് രണ്ട് മണിക്കൂര്‍ മാത്രമെന്ന് മഹാരാഷ്ട്ര ബിജെപി അധ്യക്ഷൻ ചന്ദ്രകാന്ത് പാട്ടീൽ. ഇതുകൂടി ഒഴിവാക്കി മുഴുവന്‍ സമയവും രാജ്യത്തിനുവേണ്ടി പ്രവര്‍ത്തിക്കാനുള്ള ശ്രമത്തിലാണ് ഇപ്പോള്‍ അദ്ദേഹമെന്നും പാട്ടീല്‍ പറഞ്ഞു.
കോലാപൂർ നോർത്ത് നിയമസഭ ഉപതെരഞ്ഞെടുപ്പിന് മുന്നോടിയായി പാർട്ടി പ്രവർത്തകരെ അഭിസംബോധന ചെയ്ത് സംസാരിക്കവെയാണ് ബിജെപി അധ്യക്ഷന്റെ പ്രസ്താവന.
‘പ്രധാനമന്ത്രി നരേന്ദ്ര മോഡി രണ്ട് മണിക്കൂര്‍ മാത്രമാണ് ഉറങ്ങുന്നത്, ബാക്കി 22 മണിക്കൂറും അദ്ദേഹം പ്രവര്‍ത്തിക്കുന്നു. തീരെ ഉറങ്ങാതിരിക്കാന്‍ അദ്ദേഹം പരീക്ഷണം നടത്തി കൊണ്ടിരിക്കുകയാണ്’ പാട്ടീല്‍ പറഞ്ഞു.
ഉറക്കം ഒഴിവാക്കാനാണ് മോഡി ശ്രമിക്കുന്നത്. അതിലൂടെ 24 മണിക്കൂറും ഉണർന്നിരിക്കാനും രാജ്യത്തിന് വേണ്ടി പ്രവർത്തിക്കാനും അദ്ദേഹത്തിന് കഴിയും. ‘അദ്ദേഹം ഒരു മിനിറ്റ് പോലും പാഴാക്കുന്നില്ല’ ചന്ദ്രകാന്ത് പാട്ടീൽ പറഞ്ഞു. വളരെ കാര്യക്ഷമമായിട്ടാണ് മോഡി പ്രവര്‍ത്തിച്ചുകൊണ്ടിരിക്കുന്നത്. രാജ്യത്തെ ഏത് പാര്‍ട്ടിയില്‍ നടക്കുന്ന കാര്യങ്ങളെ സംബന്ധിച്ചും അദ്ദേഹം ബോധവാനാണെന്നും പാട്ടീല്‍ കൂട്ടിച്ചേർത്തു. രാജ്യത്തിന്റെ സന്തോഷത്തിനുവേണ്ടി പ്രവര്‍ത്തിക്കാനാണ് അദ്ദേഹം ഉറക്കം പോലും നഷ്ടപ്പെടുത്തുന്നതെന്നാണ് ചന്ദ്രകാന്ത് പാട്ടീലിന്റെ വാദം.
English Summary: Modi sleeps for only two hours: BJP leader says he is trying to work for the country without sleeping full time
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.