ഇന്ത്യയിലെ വായു മലിനീകരണം കുറവ് ദക്ഷിണേന്ത്യന്‍ നഗരങ്ങളില്‍. 2021ലെ ആഗോള വായു നിലവാര പട്ടികയിലെ മലിനീകരണം കുറഞ്ഞ 35 ഇന്ത്യന്‍ നഗരങ്ങളില്‍ 31 എണ്ണവും ദക്ഷിണേന്ത്യയിലാണ്. കേരളത്തിലെ നാല് നഗരങ്ങളും ഇതില്‍ ഉള്‍പ്പെടും.
മലിനീകരണം കുറഞ്ഞ ദക്ഷിണേന്ത്യന്‍ നഗരങ്ങളില്‍ രണ്ടാമത് കോഴിക്കോടാണ്. വായുവിലെ മാരകഘടകങ്ങളെ സൂചിപ്പിക്കുന്ന ശരാശരി പര്‍ട്ടിക്കുലേറ്റ് മാറ്റര്‍ 2.5 കോഴിക്കോട് 18.3 ആണ്. തലസ്ഥാനമായ തിരുവനന്തപുരം ഒന്‍പതാം സ്ഥാനത്താണ് . കൊച്ചിയും പട്ടികയില്‍ ഇടം പിടിച്ചിട്ടുണ്ട്.
കര്‍ണാടകയിലെ 14 നഗരങ്ങളിലും തമിഴ്നാട്ടില്‍ നിന്ന് ഒന്‍പത്, ആന്ധ്രാപ്രദേശില്‍ നിന്ന് മൂന്ന് നഗരങ്ങളിലും വായു മലിനീകരണം കുറവാണെന്നാണ് പട്ടിക വ്യക്തമാക്കുന്നത്.
ജനസാന്ദ്രതയും പുക മലിനീകരണമുണ്ടാക്കുന്ന വ്യവസായങ്ങളും കൂടുതലായുള്ള വടക്കേ ഇന്ത്യയിലാണ് വായുമലീനകരണത്തിന്റെ തോത് രൂക്ഷമായിരിക്കുന്നതെന്നും പഠനറിപ്പോര്‍ട്ടില്‍ പറയുന്നു.
വായു മലിനീകരണം രൂക്ഷമായ 50 നഗരങ്ങളില്‍ 35 എണ്ണവും ഇന്ത്യയിലാണ്. വായു നിലവാരം ഉറപ്പാക്കുന്നതിനായി ലോകാരോഗ്യസംഘടന നിശ്ചയിച്ചിരിക്കുന്ന ക്യുബിക് മീറ്ററില്‍ അഞ്ച് മൈക്രോഗ്രാം എന്ന നിബന്ധന, ലോകത്തെ ഒരു നഗരവും പാലിക്കുന്നില്ലെന്നും പഠനത്തില്‍ കണ്ടെത്തിയിട്ടുണ്ട്.
English Summary: South Indian cities have the lowest air pollution: Four cities in Kerala on the list
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.